kikusan (已結業)

团年饭，年年都系食中菜冇咩特别，今晚要行花市，所以就系铜锣湾揾食！谂起Kikusan食日本野又有D fusion 菜食够特别，一于带家人去试下先！鲜芒果红菜头米纸卷味道好清新，芒果味好Fresh，口感好爽脆，配上越式酱汁有少少辣，几开胃。素饺煎到脆卜卜，咬落去好多汁，味道好浓好香，但系食落唔会觉得油腻。皮非常薄，可以见到汤汁好饱满。一咬落去好香鸡汤味，味道相比起豚肉的小笼包冇甘油腻，但系鸡汤的浓味都好吸引好正食完之后鸡汤的味道维持到好耐，好满足冻乌冬入面有炸豆腐，热辣辣好香又滑，而且豆腐吸哂汤汁的味道，好好味。野菜天妇罗饼非常好食，脆卜卜，好香野菜的味道，而且同个酱汁好夹，而且大大块，用黎送个乌冬超正！煎得好香的豚肉，配上珍珠米，口感唔错，但系味道比较油得黎而且唔算好有味道。建议加番少许的酱油会更好！大约是5层的猪肉片夹住去炸，口感几松软，炸得几香口，而且吸哂D汤汁，味道唔错。但担担面就冇咩特别，面煮得比较腍身，汤汁都是正正常常的味道。