金家樂茶餐廳

营业中

休息中

今日同朋友食团年饭，大家喺大角咀做完运动就去金家乐叫小菜食。金家乐系一间非常街坊嘅茶餐厅，基本上你谂倒嘅小菜都有得食，收银处不是伯伯就是婶婶，侍应通常都串串贡咁，十分地道。因为系团年，今日都叫左几多𩠌，有霸王鸡，蒸仓鱼，咕噜肉，黑椒牛仔骨，沙嗲肥牛粉丝煲，炒杂锦，炒芥兰，粉丝杂菜煲，真系几丰富。霸王鸡有鸡味，鸡肉嫩滑，火候刚刚好。咕噜肉甜酸适中唔油腻，系件大件细唔多均匀。沙嗲肥牛煲够入味，不过感觉上肥牛比较少，粉丝份量太多了。炒芥兰够鲜够嫩，杂菜煲亦算入味。以茶餐厅来说，佢绝对合晒格有余。最正系食到中途，侍应提醒我地因为要收炉，所以先把糖水装好，放住喺隔离枱先，我地食完饭可以自己拎黎饮。呢 D 人情味，先至系街坊茶餐厅最令人喜爱嘅地方。糖水系芋头西米露，浓浓的，材料很足，味道唔算好好，但郤令人暖在心头。