君臨宴會廳

营业中

休息中

今晚系老爷铺头的年夜饭，订左附近的呢间酒楼，包房有两围。其实唔系第一次黎，但因为谂住写食评今次特别留意D食物质素，不过真系强差人意，我成日都话，我对食野其实无要求，我讲得难食𠮶D真系好难食。乳猪黎讲，肥瘦适中，个皮都有少少脆，算佢合格，但系唔知点解好多油！龙虾伊面，个芡汁太多，一pat咁，味道一般，无乜龙虾鲜味。西兰花带子珊瑚蚌，无味既！好差！炸虾球，上碟时好热，但个皮系un的！相当麻麻！黄金虾，系菜单无的，可能老爷后加？都算合格，但称不上好食，都系油油的鸡煲翅都足料的，D翅一梳梳，味道都OK清蒸龙趸够滑，起码无蒸都老哂，但平时D鱼汁好好味的，佢系无味的..我已经唔系食野浓味的人，都觉得佢D野无味...发财蚝士冬菇菜，我无食蚝士，但冬菇和生菜不过不失啦！D菇都大只的烧鸡又系块皮唔脆，但肉系滑的。最后美点双辉，已经好饱，净系食左伊面，又系油油的...连最后的红豆沙汤丸我都觉得好一般...