龍皇酒家 (世貿中心) (已結業)

年初十啦，最后一Group团拜；之后就收齐利是，可以准备好利是啰今日团拜地点系龙皇酒家，因为Book左枱，又一早已有人到，所以都系直入。一坐底，先系准备收派利是，礼盒；交换晒之后就睇菜单啦。其实亲友都已经划左小量点心；我再划多D都系炸点既多。结果我坐果枱既人都系后生D，十碟有9碟系炸野隔离果枱就大多数老人家，全部都系蒸野。真系好彩冇坐错枱，坐左隔离就冇啖好食啦。我最钟意脆麻花好好味，跟住烧腩仔都好正，泡饭又系好好味；其他其实就不过不失，亲友话生煎包同葱油饼好好味的，但我觉得一般。点品比较少啰，我仔竟然冇岩心水的，真系少有。同埋都唔平，2围枱，大约24个人；当中有4个小朋友。20个大人，每人要180蚊，即系Total都要3600；但实在，其实都唔系叫左好多野食；因为我冇留意单价，所以唔知确实几钱，但叫既量真系唔多，我会觉得Endup咁既价系几贵。