點心宅急便 (已結業)

之前见团购有做点心宅急便，99蚊可以买相等于200蚊嘅coupon，见到都几多人买，所以就买左张试一试。其实呢度都系几僻下，唔系好就脚。由于我地系book左5点钟，所以入到去只见到几枱客。呢度坐得绝对比果间米芝连点心舒服，唔迫，而且呢度侍应服务态度都几好，唔会因为你系买团购而白眼你，加分。个餐单无乜特别点心，同出面啲点心铺大同小异。上点心速度都算快，唔使等到颈都长如果用正价食呢度嘅点心，我个人认为有少少贵，eg..18蚊得两粒烧卖。粟米猪肉生煎包+芝士薯饼生煎包啲皮太厚，啲料相对较，唔juicy，无肉汁流出来。无期望所以无失望。芝士薯饼都ok..炸到脆卜卜，食左一个半都唔觉滞。呢个牛肉金茹卷，无乜味，啲皮好厚，饀唔够多，食左半嚿仔就放弃了。蒸凤爪系饮茶必食嘅，味道浓郁，又唔太油，都几好味。蟹粉小龙包+虾饺小龙包热辣辣食好好味，如果多啲肉汁就好啰。虾饺得两粒咁大把，啲皮唔够滑，无乜特别，食完唔会再想要再食多粒嘅冲动。烧卖都系两粒一笼，无乜惊喜，味道中规中矩。食物质素一般，好再有服务同环境搭救。