響 - Hibiki 日本燒肉 (已結業)

见到好多食评都话呢度高质，而且又咁啱有团购优惠，所以就去试吓，不过有其他附加费，其实最后每人都4佰几唔算好抵好平'啰。环境嚟讲我觉得有少少逼，(牛角)仲坐得舒服d。呢度一坐低会先上 (刺身拼盘，海鲜拼盘，烧肉拼盘)另外饮品系任饮，有红/白酒，梅/柚子酒，啤酒&汽水，仲有甜品有 movenpick 雪糕。刺身盘有渔胆、带子、甜虾、三文鱼、八爪鱼、油金鱼、吞那鱼，其实都好丰富尚算新鲜。海鲜盘有喜之次其实好少见，仲有鲍鱼、螺、蚝、虾。除左蚝同虾麻麻地之外，其他都系可以。烧肉盘有猪牛鸡8款肉，食完都饱左一半。不过肉嚟讲我又觉得只系普通料，未至于入口即溶有肉香油香嘅感觉。总结: 如果无优惠我就肯定唔会再帮衬，呢个价钱可以去食更好烧肉。