翠榮雞煲火鍋

营业中

休息中

胡椒猪肚鸡煲一只，胡椒系用鲜白胡椒粒磨粉而成，特别香浓鲜味，一樽樽胡椒粉既味道同佢天渊之别架。鸡肉嫩滑多汁，渗满胡椒香味，大滚浸热既鸡肉特别嫩滑多汁，超美味 ﹗千奇唔好煮过龙呀。胡椒功效驱寒去湿又暖胃，饮完好舒服满足 ﹗今晚 table for 8 聚餐，有朋友仔唔食辣，所以一煲辣鸡一煲胡椒鸡，只有我同朋友系常客，其余都系第一次黎架乍 ﹗因为我诚意推介啰。奇味鸡煲一只中辣，由年几两年前翠荣冷冷清清得小猫三四只，食到依家晚晚爆场人头拥拥 ﹗老板话系佢原创既奇味鸡煲，果然有点实力 ﹗大量香料、干葱头、洋葱、芹菜、青葱、花椒、指天椒、芫茜、等等，味道丰富多层次，香辣带麻好鬼正 ﹗鸡件入味又嫩滑，皮香肉嫩。今次我地食晒鸡后，再放乌冬同猪润即炒黎食。奇味猪润炒乌冬，索尽所有精华，实在太美味喇 ﹗已相约下次挑战大辣既 level，我层经挑战过，非常刺激、全身冒汗、头顶出烟、舌头麻痺、咀唇发胀。辣唔死既，但感觉超正呀 ﹗晕晕地，哈哈。手切本地牛肉，翠荣用既系牛颈脊。新鲜无比，牛味浓郁而滑溜有赵口，无经过任何人工处理或调味，灼灼高质鲜牛已经好好食喇 ﹗必食 ﹗仲 order 左美国桶蚝、鸡子、竹笙、鱼