影片
更多
2013-09-01
1017 浏览
网上团购唔系每样嘢都咁抵，有几次买咗仲顶住度气添！唔系货不对办，就系去兑换时屈你买多d...见过一次仲离谱，女装拖鞋团购价要$48/对，但随街都系卖$29/对，乜d团购商当人蠢到咁都得架？我当然冇买啦!而家每当想买饮食团购时，都必定去OpenRice睇吓人哋嘅食评先，虽然人人口味唔同，但都可以对该食肆嘅食物质数及服务态度等，多一啲了解。睇完OpenRice对Burger Mix嘅评语，都唔系好差噃! 咁就买2张佢嘅Groupon先。 每逢放假，都会周围去行吓食吓，今曰就顺便去埋食Burger Mix。 嚟到北角港运城地库嘅food court，人流唔算多，大多数系退咗休嘅老人家坐喺度食嘢，冷气都几大，冻到腾腾震，快快趣揾Burger Mix先。磨菇芝士和牛汉堡餐，团购价只需$35可选任何饮品，但正价就要$47，特色饮品再加$2。 拣好饮品就放低coupons，另外再叫多个鱼柳包餐，$32+特饮$2。 等开餐啦...由于系即叫即整，要等十几分钟... 终于到啦！和牛汉堡包同薯角都非常热辣辣，真系小心熨口呀！ 大大个满布芝麻嘅汉堡好好味，牛肉味浓又好juicy，一路食埋d芝士磨菇，好正！
见过一次仲离谱，女装拖鞋团购价要$48/对，但随街都系卖$29/对，乜d团购商当人蠢到咁都得架？我当然冇买啦!
而家每当想买饮食团购时，都必定去OpenRice睇吓人哋嘅食评先，虽然人人口味唔同，但都可以对该食肆嘅食物质数及服务态度等，多一啲了解。
睇完OpenRice对Burger Mix嘅评语，都唔系好差噃! 咁就买2张佢嘅Groupon先。
每逢放假，都会周围去行吓食吓，今曰就顺便去埋食Burger Mix。
嚟到北角港运城地库嘅food court，人流唔算多，大多数系退咗休嘅老人家坐喺度食嘢，冷气都几大，冻到腾腾震，快快趣揾Burger Mix先。
磨菇芝士和牛汉堡餐，团购价只需$35可选任何饮品，但正价就要$47，特色饮品再加$2。 拣好饮品就放低coupons，另外再叫多个鱼柳包餐，$32+特饮$2。
等开餐啦...
由于系即叫即整，要等十几分钟... 终于到啦！和牛汉堡包同薯角都非常热辣辣，真系小心熨口呀！ 大大个满布芝麻嘅汉堡好好味，牛肉味浓又好juicy，一路食埋d芝士磨菇，好正！ 薯角永远都好味过薯条，加上呢度系即叫即炸，份量仲好多，好好味！唔似M记咁孤寒得几o旧(仲要做推广至有薯角供应)
个鱼柳包都算大个，用芝麻包配鱼柳见到就流口水啦！块鱼柳炸得好香好脆，鱼味好浓，生菜都好新鲜，唯独只有包嘅底部有酱汁，上面𠮶层就冇，太少酱啦！不过，都好好味，食完都想再食！(下次一定叫佢比多d酱)
青萍果梳打同巨峰提子梳打 : 原来得少少甜味，好饮。芒菓王露:芒菓汁+椰果, 唔错。
如果唔系北角咁远，都会多d嚟食呀！
张贴
