山地人越南法包專門店 (已結業)

2月18日, 之前团购咗呢个山地人, 因为之前食过都觉得佢地嘅法包几好食, 而家用$39就可以买到2个法包加野飮, 确实十分平~咁我地一定要买啦~ 座位虽然唔多, 但系大多数人嚟都系买外卖为主, 我地去到都即刻揾到位坐~ 团购餐只可以拣原味法包, 配猪肉或者牛肉, 我地就各选其一~::: 猪肉原味法包 ::: $39一个9吋长嘅法包, 新鲜热辣送到我地面前, 烘过嘅法包暖暖地, 好脆口, 又唔会好硬, 食得出系新鲜货~ 里面嘅配料除咗有猪肉, 仲有札肉, 肝酱, 萝卜丝, 生菜洋葱咁, 好丰富~ 加埋d鱼露, 酸酸地咁个感觉好鲜, 亦都好开胃~ 啖啖都系肉, 加埋脆脆嘅法包, 好满足~ 唯一要弹嘅系佢猪肉份量比较少, 多数肉都系札肉…::: 牛肉原味法包 :::其实2个法包个味道都差唔多, 因为同样牛肉嘅份量唔多得过猪肉, 不过牛肉个味道会咸少少, 同个札肉味会有唔同~唔驶$20一个下午茶, 份量足2个大家乐热狗, 团购都系多荀野,下次有山地人团购一定要再买~