影片
更多
2015-08-13
359 浏览
其实服务真系无预期咁差，点心系一台同一张点心纸的一齐执出黎的，所以只要张纸两面都写清楚台号，圈起你拣左既点心，系无漏过单的知客侍应亦无呼呼喝喝，反而我觉得收吉笼收得几勤快，收茶壶加水都自动自觉。连传菜的都帮埋手收点心纸，虽然唔出声答人，但问他拿点心纸他唔声唔声拿一叠给你，都好慷慨丫，团购黎讲算系咁，出面饮茶 d 传菜都唔会肯做楼面野吧。隔黎一台六个大男孩摆明黎挑机，坐低无耐叫左六转点心，侍应都无放软手脚，算合理了吧。当然，写得食评都想餐厅有改进，并列出中伏位让大家有得拣就免得辛苦自己个胃。前人提及疑似隔夜扁左的雪影包，就系咁喇。左边系杏汁包，右边系叉烧包，其实叉烧包尚可而且个馅真系有叉烧，不过两款包无论包身同个馅都太甜，而且的确似摊左一段时间再翻热所以包底硬硬的。上面的系总汇西米露... ... 如图，不赘。下面系红豆豆腐花，应该摆得太耐出晒水，个豆花其实有豆味但同时石膏粉实在太多所以一点也不滑，红豆好硬。我会建议大家试热既甜品稳阵 d，忘记糖朝以甜品起家吧，以免 false expectation，因为任食同散叫既甜品系分开处理的。呢张相系要证明个蛋挞点样碎左都照上菜，不过个挞皮系松
连传菜的都帮埋手收点心纸，虽然唔出声答人，但问他拿点心纸他唔声唔声拿一叠给你，都好慷慨丫，团购黎讲算系咁，出面饮茶 d 传菜都唔会肯做楼面野吧。隔黎一台六个大男孩摆明黎挑机，坐低无耐叫左六转点心，侍应都无放软手脚，算合理了吧。
当然，写得食评都想餐厅有改进，并列出中伏位让大家有得拣就免得辛苦自己个胃。
前人提及疑似隔夜扁左的雪影包，就系咁喇。左边系杏汁包，右边系叉烧包，其实叉烧包尚可而且个馅真系有叉烧，不过两款包无论包身同个馅都太甜，而且的确似摊左一段时间再翻热所以包底硬硬的。
上面的系总汇西米露... ... 如图，不赘。下面系红豆豆腐花，应该摆得太耐出晒水，个豆花其实有豆味但同时石膏粉实在太多所以一点也不滑，红豆好硬。我会建议大家试热既甜品稳阵 d，忘记糖朝以甜品起家吧，以免 false expectation，因为任食同散叫既甜品系分开处理的。
呢张相系要证明个蛋挞点样碎左都照上菜，不过个挞皮系松化既所以先会碎，但就等左好耐先到，又唔系新鲜热辣，不能理解点解要等咁耐。
黑松露烧卖，的确有黑松露酱，有虾系面头，但烧卖本身就系得一大旧猪肉，好实，唔爽唔弹牙
只不过都系那句，团购价仲要任食就唔好奢望点心精致了，其实点心纸上算多野食，要吃饱绝对不是没选择，蒸既点心系合格的，虾饺好快就沽清可以一坐低就叫定两笼，菜肉云吞个汤有正宗大地鱼味，春卷系萝卜丝馅无肉的但外皮摊冻食仲好脆，另外也推介黑椒猪手和鲜虾菜苗饺我们都有食净野，鲜虾腐皮卷外面唔知点解要加个又咸又杰的酱，一咬开有成啖油类物体涌出黎，所以我们都啃唔落要吐落骨碟度，这样明显地让侍应知道我们不是眼阔肚窄浪费食物，所以无被刁难，拍拍屁股就走得。
当然，以尖沙咀区的标准，要找精致好味服务周到的点心一定好多，要用这个价钱食下午茶也总有其他选择，但要找个交通方便地方阔落环境唔吵准时入得食住等方便三五知己平食任食三个几钟的地方，仲要唔使预约就唔怕有人甩底，我觉得值得考虑买糖朝呢个团购的。
张点心纸唔短，都几难食得晒，看了食评，避开中伏位，就算如我们般以"打大佬"心态叫蛋挞，一见到真系碎左都俾客食咪爆笑下，其实增添不少欢乐气氛丫。买得团购，在人地都唔愁无街客旅客强国客 walk-in 的地区吃饭时，奢求当你豪客般的款待，还不如调整一下自己的心情和预期来得容易吧。
张贴
