曼谷泰菜 (已結業)

平时食一餐泰国菜都唔平，无意中见到「曼谷泰菜」做紧团购优惠，以75蚊就可以买到100蚊卷，一于买返三张嚟开餐！是日中午点几钟上到湾仔分店，餐厅无咩人咁滞，得一枱客咋㖞，估计主要做夜市生意多！大把宽敝卡座位，侍应生安排咗window seat畀我俩，唔错吖！1.原个菠萝炒饭$98: 原个菠萝上，真系劲！菠萝粒粒又多又大又香甜，有三只爽口中虾、甘笋粒、洋葱、肉松、腰果等等。肉松及腰果系用碟仔装住，我哋自己再放上去。用菠萝盛装下，炒饭较为湿润，有水果香！2.小食并盘细$105: 最好食系虾饼，两件一开二，入口爽弹，点上甜辣酱，更加惹味！春卷，够香！鱼饼，带点胡椒辣味，口感麻麻！香叶包鸡，鸡肉有少少辣味，口感一般喇！3.椰青$48x2: 椰青水，清甜够润喉！整体属一般，价钱偏贵，团购价就差不多！