青葉日本料理 (已結業)

一直都知青叶啲质素唔系咁好,起初见佢搅团购都冇乜想买嘅冲动,直至有波友提议去食,心想都系佰零蚊当系俾多次机会佢,都特登唔拣旺角店,俾多10蚊买尖咀,就系咁就中伏喇!除咗食物唔得外,估唔到服务一样咁唔掂;多次漏单,特别系贵价些嘅要催几次先肯出俾你,后期波友走先,佢地个位仲剩返我地share叫𠮶碟串烧,上面仲有一件粟米同埋另一碟炒菜喺度,系我谂住会食埋去既,点知个望落去全场最高级类似经理嘅物体二话不说,问都冇问就收晒并倒落架垃圾车度,跟住佢就扮听唔到我叫咁走咗去,我当堂火都嚟埋,转个头佢又走嚟执我张台,搅乜?莫非佢当我透明?我忍唔住喇!我叫佢唔好再执,佢话以为我唔要,佢凭乜认为我唔要呢?我又冇离座,又冇示意叫佢地执嘢,我知佢地想早啲收工啫嘛,但个团购卖嘅时段系9pm-12am,𠮶阵11:00零钟咋,10:30就last order话厨房10:45关炉,唔通我真系唔理食唔食得晒都叫到成台嘢先咩?仲有,我9点钟未够就去到等入座,带位前就已经话烧虾同鳗鱼卖晒,乜唔系应该每个时段有个quota架咩?之前买过咁多间日本料理放题嘅团购都未试过咁既,今次真系贴钱买难受喇!好彩嚟食之前去KXC每人整咗过越