韓淼莊 (已結業)

我都系早前购买了团购coupon,咁我本身又住系大角咀, 揾日得闲就落去食朋友仔唔食得牛肉,我地点左烧猪肉饭+青梅茶, 鸡肉饭+梨子茶。个汤系普通味精汤, 我就无乜意见啦。烧猪肉饭 很好味, 有特色韩国味道, 甜甜地。青梅茶, 我见呢种饮品系其他餐厅好少有得饮咪试下, 都几好饮, 不过比较淡,无乜青梅味。鸡肉饭 可能系韩国鸡肉饭,比较少鸡肉,多豆芽同菜, 但系无乜味, 麻麻地。梨子茶, 又系因为呢种饮品系其他餐厅好少有就试下, 冲得太甜, 唔系咁钟意。我地个两杯系特色饮品,所以每杯要加多6蚊, 不过都无所谓啦, 个餐咁抵。大致上呢间餐厅啲都几好味, 第时无coupon我都会再帮衬~