和幸吧 (已結業)

经Yahoo团购买了4张团购券,每张$198, 星期六要加$49服务费及$30茶芥, 限时9:30pm-11pm我于9:20分到达,表明团购订位后,即时安排入座.侍应5分钟后拿4式前菜来(有玉子豆腐,辣味螺肉,麻酱豆腐同埋枝豆,每人一款),另每人有一沙律菜.肉类于9:40左右才端上2 set食物(见图),我地四人不停烧不停食,中途都无放慢手脚. 食物味道无乜特别, 都系一般货色.炉头一系好大火,一系校慢了就要比较长时间才烧熟食物.大约10:50分,侍应走埋来提我地,仲有几分钟够钟,话如果继续烧, 要俾番正价.咁我地问未烧完既食物会点,佢答话会收走, 我地唯有系咁烧系咁烧,不过最尾都剩咁大盘食物(见图).我地埋单后,2个侍应走过来问我地意见,问做乜咁多食物剩低. 我地话见佢地2个人系1个炉,4个人又系1个炉, 个炉又细(直径无1呎都无), 又限时1.5小时(仲要食物唔系准时送到), 其实系烧唔到几多, 我地已经无追加任叫的食物. 之后其中一个侍应听完之后好似好突然, 话"吓?你地无追加食物都剩咁多? 我地话其实食唔饱架, 不过你地话继续烧要收正价,我地唯有埋单啰.