18 Restaurant (已結業)

个朋友买左团购book左枱但唔得闲去，临时揾我顶上！其实一听团购我已经无乜期望，但朋友叫到，咪试一下！一去到环境算干净，系个门口难揾d!坐低拿拿淋去攞野食，行左个圈，二百几蚊黎讲算多野食，有生蚝，鱼生，寿司，仲有我最爱既蟹脚 ，即刻唔执输攞返十只八只先！鱼生都好多人排队，款式唔算多，但个三文鱼都几新鲜！我都排左两转！食完冻，就食热，当然又系攻海鲜先啦！我攞左炒蟹，炒虾，辣酒煮花螺同焗石班，个虾叫麦皮虾，食落又几得意，最钟意个石班，我一向最怕d鱼整到『鞋十十』，估唔到焗完条鱼仲几滑！诚意推介！食左羊脾，牛扒同日式串烧，算系不过不失！hahaha.... 甜品系 Dryer's 雪糕,d 蛋糕呀，甜品都不再重要，呢个亦系我肯临时顶上既最大原因！而家d Dryer's 雪糕比以前贵左好多，平时都唔系好舍得食，而家可以任食，仲要有 toasted almond 同薄荷朱古力,正呀！我一定唔会客气！二百几蚊黎讲，真系算系咁！起码我食得好尽庆！虽然人多，而d人都几抢得下，但refill都算快！算系OK啦！