秀拉麵 (已結業)

早排有团购既coupon，$39买$80蚊现金卷，于是去试下。7点左右就到左，可能因为仲好早，舖头无咩人，唔使等。佢原来有个二人餐，$208有两个前菜+两个面+两杯饮品，但系因为一张单只能用一张coupon，而我又买左两张，于是就同女友各自叫。我叫左博多元祖拉面，而女友就叫左黑秀沾面。而佢系用纸仔画tick号黎点菜，上面都有好多配搭俾你拣，例如面既软硬度(软/中/硬)，辣度(只限赤秀)，面面既肉(肩肉/腩肉/颈肉)，配料等等，令到佢几有变化。约5分钟后热辣辣既面就到喇。博多元祖拉面面身较平时食开既幼，都几弹口，汤底好浓，有圆形脂肪粒浮面，好香，而且feel到好足料，成个汤底都系料，而且饮完啖汤个咀会有少少胶痴口，应该用左好多猪骨去煲。配上葱碎，三大块豚肉，木耳等等，好食。环境：店内系长方形咁，门口cashier，一条直路入去左右手面都系望墙既位，其中一面就望住厨房，好似日本见到果d拉面店咁。总结：以呢个价钱黎讲算系唔错，不过佢间舖头要行上斜路少少，唔算好方便。扣回coupon后只需补回十蚊左右。