影片
更多
2011-04-11
早两个礼拜睇饮食杂志见到yogo既老板喺yogo对面开左间薄饼店, 住附近既我都谂住有机会可以一试. 几日后 竟然喺团购网见到可以用半价买一个14“ pizza, 自然就即刻买了. (:谂住买返屋企同爸爸妈妈一起食, 所以早一日就打去订左个sausage and mushroom pizza, 话今日六点半去攞~因为担心门口唔泊得车, 所以六点二十五分打落去问佢准备好未啦. 点知个姐姐仔话要20分钟.. 哦, 即系打俾佢先即刻焗啦......不过都好既 起码新鲜..唔系焗定好多摆喺度..好啦六点五十分落到去, 装修都ok, 几光猛几舒服既.里面都有一两张枱, 有d人喺度食紧pizza. 有个姐姐喺cashier讲紧电话完全理唔到我 （可能见我攞住张coupon卦..）等一阵有个男仔走埋黎, 竟然成条眉都系面粉.............................哈哈哈哈哈 虽然好搞笑 但都即刻有点担心卫生问题. 唔通佢一路整面团一路抹面?我同佢讲我打过电话黎 要攞个pizza. 佢喺后面有个貌似垃圾桶既物体(当然我好希望佢唔系)上面攞起个pizza..然后攞俾我.... 呢个就系喇
谂住买返屋企同爸爸妈妈一起食, 所以早一日就打去订左个sausage and mushroom pizza, 话今日六点半去攞~
因为担心门口唔泊得车, 所以六点二十五分打落去问佢准备好未啦. 点知个姐姐仔话要20分钟.. 哦, 即系打俾佢先即刻焗啦......
不过都好既 起码新鲜..唔系焗定好多摆喺度..
好啦六点五十分落到去, 装修都ok, 几光猛几舒服既.
里面都有一两张枱, 有d人喺度食紧pizza.
有个姐姐喺cashier讲紧电话完全理唔到我 （可能见我攞住张coupon卦..）
等一阵有个男仔走埋黎, 竟然成条眉都系面粉.............................哈哈哈哈哈 虽然好搞笑 但都即刻有点担心卫生问题. 唔通佢一路整面团一路抹面?
我同佢讲我打过电话黎 要攞个pizza. 佢喺后面有个貌似垃圾桶既物体(当然我好希望佢唔系)上面攞起个pizza..然后攞俾我.... 呢个就系喇~
下? 我果下真系呆左一呆.......等到有另一个男仔过黎同我对返张coupon我先回魂.. 不过感觉上几个我接触到既店员都无乜笑容..可能太忙卦.
好啦即刻返屋企, 攞住都feel到个pizza好热既. 开出黎睇下...卖相都ok既. 系个边有d太㶶喇..
即刻攞块黎食下先. 料都算足既 sausage据闻系自己整既, 都几好食 mushroom同cheese都好够, 不过个crust真系麻麻地喇 太㶶同干, 唔知系咪new york style既特式呢? 个pizza切左8块, 我地三个人share 当light dinner刚刚好
总括黎讲啦, 今次团购$60个14”pizza真系好抵既, 但铺头做团购都系想宣传咋嘛, 以呢个服务态度, 我短期内都未必会用百几蚊再去买个pizza喇..
其实好挣扎比笑面定ok. 不过见佢新开张 应该有进步既空间卦....鼓励下佢比笑面啦.
张贴
