影片
更多
2022-07-23
8229 浏览
依家都仲未有机会出国去吓旅行，就只好玩吓啲本地游解吓闷，早前就喺抽到旅发局搞嘅「赏你游」，呢日就喺跟个本地团游吓港九，而最吸引喺午餐安排晌酒店食个半自助午餐，比起食啲一围围嘅团餐安心少少。而用餐地点就喺「海景嘉福酒店」嘅「海景咖啡廊」（Cafe on M），无谂过佢哋会做团客，听导游讲，都喺疫情关系作出嘅尝试，而小弟好多年前就曾经嚟食过下午茶，印象喺唔错嘅，话晒都喺5星酒店嘛。咪睇啲环境相好似好爆场，话晒净喺我哋嘅团都成60几人啦，不过，旅行团安排得几好，同行嘅团友嘅会坐埋一枱，唔理你一个人报，定两个、四个报，总之就唔会跟陌生人搭枱，而且，编好晒枱号，对号入座就得喇。其实，餐厅嘅用餐区分好多个区域，我就觉得近酒店大堂嘅一边就最好，因为够晒开扬。如果有得拣，我都想坐出嚟，既人少啲，无咁聚埋一齐，空间感又强啲。我哋就叫免费嚟食一餐，如果一般客人嚟食又点计呢？沙律、冻肉、餐汤、面包、甜品及饮品全自助，主菜就5拣1，有肉、有鱼、亦有素食，均一价$208 + 10%，酒店嚟讲都算唔贵喇。到周六、日、公众假，就做番全自助餐！因为只喺沙律、冻肉、餐汤、面包、甜品喺自助，加上又喺午餐，所以，唔好期望会
咪睇啲环境相好似好爆场，话晒净喺我哋嘅团都成60几人啦，不过，旅行团安排得几好，同行嘅团友嘅会坐埋一枱，唔理你一个人报，定两个、四个报，总之就唔会跟陌生人搭枱，而且，编好晒枱号，对号入座就得喇。
其实，餐厅嘅用餐区分好多个区域，我就觉得近酒店大堂嘅一边就最好，因为够晒开扬。如果有得拣，我都想坐出嚟，既人少啲，无咁聚埋一齐，空间感又强啲。
我哋就叫免费嚟食一餐，如果一般客人嚟食又点计呢？沙律、冻肉、餐汤、面包、甜品及饮品全自助，主菜就5拣1，有肉、有鱼、亦有素食，均一价$208 + 10%，酒店嚟讲都算唔贵喇。到周六、日、公众假，就做番全自助餐！
因为只喺沙律、冻肉、餐汤、面包、甜品喺自助，加上又喺午餐，所以，唔好期望会有太多。席间听到有啲团友话唔多嘢食，多少喺好主观，老实讲，俾100样嘢你拣，都食唔到咁多架啦，只喺满足个贪念而已，小弟就觉得好足够喇。
沙律、冻肉先介绍呢部份，半圆形嘅食物枱就放有两款沙律菜、近10款配料，以及5款酱汁，后面就有啲生果，唔想烦嘅，餐厅提供4款预拌好嘅沙律：薯仔沙律、意粉沙律、藜麦沙律、苹果乳酪沙律。冻肉部份就有烟三文鱼、巴马火腿、杂锦冻肉拼盘，所以，样样都执啲，可以砌出份极丰富嘅头盘。
呢一道就喺小弟嘅大满贯头盘，应该样样都有啲，拌沙律菜就拣啲黑醋搭柚子沙律汁，够酸活清新，又洒咗好多烟肉碎同芝士粉，夹埋啲烟三文，当然咸香好食啦。而其他食材，都一样唔错，好似啲巴马火腿呀、苹果乳酪沙律呀，都好好味，加埋啲藜麦沙律，有营兼。
餐汤、面包餐汤方面，就只有一款：意大利杂菜汤，面包就有两款，都喺比较欧陆式嘅，而晌另一边甜品枱附近，就有多款甜嘅丹麦酥，所以，又夹咗啲一齐跟杂菜汤享用。
当然，你睇见呢个餐汤配面包嘅组合，唔喺得我一个人食，而喺同老婆共享。佢就大赞个餐汤好饮，得确用料丰富，汤味酸香鲜活，掂㖞；而欧陆式面包够咬口，富麦香，丹麦酥亦好酥脆，甚富牛油香，伴汤一样唔错。
香煎海鲈配蒜蓉柠檬牛油汁老婆一眼就相中海鲈，因为佢喺偏食红肉者，鱼类或海鲜就啱晒佢。碟煎海鲈卖相简单，但胜在做得有水准，外皮劲香脆，鱼肉却嫩滑细致，甚有鱼味，配上呢个香滑嘅蒜蓉柠檬牛油汁，更能提升鱼嘅鲜甜味，老婆食完真喺赞不绝口。每道主菜都伴有扒蕃茄、法边豆、薯蓉，其实，净食道主菜都好够饱。
煎羊扒配青葱迷迭香汁难得有羊扒菜式，就梗喺拣佢啦，由于喺「团餐」关系，一下子要出大量主菜，所以，侍应送上菜式时都讲明一致先做到五乘熟，有需要先再帮忙「加煎」。五乘熟就啱晒我啦，一客有两大件羊扒，份量非常之够，落刀已感受到啲肉质有几软腍，煎得啱啱好，外层有微微焦脆，里面色泽保持嫩红，却唔会渗出半滴血水，而膻味唔太重，沾上青葱迷迭香汁，食味一流。
甜品甜品嘅选项唔太多，可以一次过讲晒出嚟：泡芙、美式芝士蛋糕、桂花糕、迷你杯子蛋糕、红枣桂圆糖水、面包布甸、豆腐花，款式唔算有特色，叫做样样都有啲。然而，亮点就晌转角另一边，因为餐厅有供应「哈根大师」雪糕，放得满满嘅一冰柜内。
饮品如所有自助餐，餐饮都喺自助，就放晒晌入门口位，不过，就无咩选择，咖啡、红茶、柠茶、柠水，喺咁多。有杯咖啡俾我，伴吓甜品，我都OK架啦。
虽然话甜品唔喺咁多款式，亦喺比较大路嘢，但试得几多得几多，先嚟第一碟喺5款小蛋糕。当然最钟意喺朱古力芝士蛋糕同桂花糕，因为前者晌浓郁嘅朱古力味之下渗出芝士嘅咸香味，有啲层次，而后者则带有好清香嘅桂花味，质感够挺唔会太削，入口清凉。
最后一击，就梗喺进击「哈根大师」雪糕啦，拣咗两款口味：蜜糖香桃及抹茶，两者都好正，尤其前者，甚具桃香，质感柔滑，再伴一伴少少面包布甸，夹埋啲雪糕一齐食，确喺令今餐完美作结。
今餐基本上都差唔多试匀所有嘢，其实，我自己就比较钟意食半自助餐多过全自助餐，因为，始终都食唔得晒所有嘢，半自助嘅话就比较啱啱好，相对价钱又会平好多。
张贴
