容記小廚

营业中

休息中

最近同屋企去咗土瓜湾嘅一间粤式小菜馆，虽然餐厅外貌好低调，但系成餐晚饭嘅感觉又，坐得舒服，小菜特别，有几款𩠌仲有住家菜嘅味道。首先系佢哋嘅招牌菜脆皮咕噜肉，肥美嘅咕噜肉加上三色椒、萝卜同洋葱，甜酸度拿捏得好好，开胃又滋味。辣子鸡够哂香辣，配合炒腰果非常惹味香口。白灼金菇肥牛虽然简简单单，但令食完仲想再食。肥牛配塔葱、金菇、芽菜，呢个组合几少见，但系好啱送饭。老火汤几足料，落咗霸王花、萝卜、猪肉、眉豆，熬得好入味。腊肠炒芥兰，够哂镬气，芥兰翠绿爽口，腊肠肥瘦适中。最后系招牌家乡碌鹅，真系唔可以错过嘅功夫菜，碌鹅要先用鹅油、花生油在锅中滚动煎香，再用老卤焖卤一个小时，卤水味香浓，令人回味无穷。饮品柠檬茶同埋柠水。