有間茶記响附近

营业中

休息中

早排同Gavin出左去土瓜湾揾朋友玩之后，夜晚揾左间茶记食晚餐🍲呢间茶餐厅既选择都算多，好彩Gavin咩都食，所以我都唔惊最后要我清哂啲野食🤣最后我拣左福建炒饭同埋瑶柱肉松蒸水蛋，仲送左两碗老火汤，无味精好好饮！🫧福建炒饭Gavin同妈咪一样好钟意食有汁既饭，所以叫左呢份福建炒饭就最适合不过喇！唔单止饭粒粒分明，而且配料份量又多又大粒，Gavin食完不停叫我再𢳂比佢，系咁话「妈咪我要多啲」佢一个人食左大半碟，我地岩岩好食哂😆🫧瑶柱肉松蒸水蛋我谂应该无咩小朋友唔钟意食蒸水蛋？Gavin妈都好钟意食架！滑捋捋既蒸水蛋更加会心心眼😍呢一份蒸水蛋蒸得好靓，蛋好滑溜，叫黎送饭真系好岩😆我地两母子最快就食哂喇饮品方面分别叫左菠萝冰、杂果宾治、同埋红豆冰😙Gavin对杂果宾治最满意👍🏻仲话杯Fruit Punch系佢既🍹叫我饮其他㖞🤣成餐饭Gavin食得合作又开心🥳呢度既位置好近地铁站，一出到地面直行就已经到喇！下次再黎揾朋友玩都会再黎呢度食😆