影片
更多
2019-10-30
660 浏览
作為土瓜灣之友，近宋王臺嘅呢間《HeySoNuts》一開張嘅時候梗係已經試過啦！呢間餐廳由幾個後生仔合力營運，揉合咖啡、西餐、新派甜品，務求將創新元素呈現喺食客眼前。仲記得開張冇耐，佢哋已經儲落不少名氣，嗰陣最出名嘅就係咖啡、窩夫同棉花糖奶凍，好多人慕名而來就係為咗打個靚卡📸呢晚難得朋友特登過嚟土瓜灣，梗係要招呼佢食吓好西。咁耐冇嚟，餐牌都轉咗，好似一本書仔咁，入面又有好多靚相。多咗好多菜式，真係要嚟多幾次先試得晒😛Dirty ($44)髒髒咖啡前幾次嚟都冇試過呢到嘅咖啡，偏偏咖啡就係佢哋嘅招牌，今次點都要試一試😜latte, cappuccino呢啲就好常見啦，我就叫咗呢隻髒髒咖啡～原來都係latte底，不過雖然係凍latte，但係係冇用到冰架！所以唔會話啲冰溶咗會整淡杯咖啡😉Guacamole salad w/ slow cooked salmon ($119)慢煮三文魚牛油果沙律呢個比較特別嘅位係三文魚係慢煮過嘅，令到肉質軟腍柔滑，好好食👅新鮮生菜加入guacamole，好味得嚟又健康🥗Homemade pancetta spaghetti w/ mild pommery sau
作為土瓜灣之友，近宋王臺嘅呢間《HeySoNuts》一開張嘅時候梗係已經試過啦！
呢間餐廳由幾個後生仔合力營運，揉合咖啡、西餐、新派甜品，務求將創新元素呈現喺食客眼前。仲記得開張冇耐，佢哋已經儲落不少名氣，嗰陣最出名嘅就係咖啡、窩夫同棉花糖奶凍，好多人慕名而來就係為咗打個靚卡📸
呢晚難得朋友特登過嚟土瓜灣，梗係要招呼佢食吓好西。
咁耐冇嚟，餐牌都轉咗，好似一本書仔咁，入面又有好多靚相。多咗好多菜式，真係要嚟多幾次先試得晒😛
Dirty
$44
73 浏览
0 赞好
0 留言
髒髒咖啡
前幾次嚟都冇試過呢到嘅咖啡，偏偏咖啡就係佢哋嘅招牌，今次點都要試一試😜
latte, cappuccino呢啲就好常見啦，我就叫咗呢隻髒髒咖啡～
原來都係latte底，不過雖然係凍latte，但係係冇用到冰架！所以唔會話啲冰溶咗會整淡杯咖啡😉
Guacamole salad w/ slow cooked salmon
$119
34 浏览
0 赞好
0 留言
慢煮三文魚牛油果沙律
呢個比較特別嘅位係三文魚係慢煮過嘅，令到肉質軟腍柔滑，好好食👅
新鮮生菜加入guacamole，好味得嚟又健康🥗
Homemade pancetta spaghetti w/ mild pommery sauce ($133)自家製煙豬腩肉芥末籽醬意粉
呢隻煙豬腩肉由餐廳煙燻過，帶好香嘅煙燻味；肥瘦均匀，而且咬落唔係好韌👍
意粉用芥末籽醬炒成，味道辣辣地。
另外，佢哋仲有隻喇沙意粉，應該都會特別！
Mac Nuts Burger w/ french fries
$154
74 浏览
0 赞好
0 留言
手打西冷牛肉原隻大蘑菇配薯條
牛肉係佢哋自家製、自己手打嘅，夠晒牛味，啖啖都爆汁！
大蘑菇就點整都咁好食啦，夾埋喺個包入面又唔會覺得特別heavy喎👍👍
漢堡包邊整到脆身，very good 🤤
Dirty soufflé pancake w/ caramel banana
$98
15 浏览
0 赞好
0 留言
自家製髒髒比利士朱古力醬日式梳乎厘鬆餅配焦糖香蕉
最後就食甜品喇！叫咗呢個無論賣相定味道定口感都一流嘅梳乎厘班戟✨
香蕉表面有層焦糖，脆脆的甜甜的，好食。
比利士朱古力醬淋滿喺班戟上面，再灑上可可粉，食完真係要抹嘴，會食到個口「髒髒」的😂
朱古力醬唔係死甜嗰隻，而係帶點苦味、朱古力味好香濃嗰隻，鍾意朱古力嘅朋友千其唔好錯過🤤
梳乎厘班戟整得十分出色，空氣感十足，質感軟綿線；蛋香好濃。
真心，同日本嗰啲過江龍有得揮😏
另外佢哋嘅窩夫、麻糬窩夫同十分出名，大家嚟到都不妨試下👍
张贴
