金鶴拉麵 (九龍城道) (已結業)

屯马线开通，身为一个香港人当然要游一游「地铁河」，去到左盼右盼终于盼有地铁站既土瓜湾行左一个圈，之后揾到一间叫「金鹤拉面」的日式料理，餐厅外有非常日式既布置，入到去见到有类似吧台的日式餐台，侍应带我同朋友上楼上空间较大的座位。我地叫了一个set menu，我就选择左「慢煮日本鸡胸饭(200g)」，首先「溏心蛋」好好食，d汁将漏不漏果下个质感真系食过返寻味。另外就系呢个饭最大卖点「200g慢煮日本鸡胸」，出乎意料地，鸡胸竟然系冰凉的，原本以为点低温极都会有d暖暖地，咁我就抱住一试无坏既心情咬左一啖，咦？咁滑既？完全唔粗糙仲有少少汁㖞，而且出奇的是，一连食左几旧都冇济既感觉，认真不错。朋友则加了$20叫了「极浓鸡白汤拉面」，「极浓鸡白汤拉面」入面有炸牛蒡、日式叉烧、温泉蛋同埋浓鸡汤，系好浓好浓果只，一饮不得了，唔单止口感浓，味道都好浓，拉面爽口弹牙，当沾面咁食简直一流，饱肚之选。小食「唐扬炸鸡」都颇大旧，炸鸡外脆内软，有肉汁，味道亦几好，如果配埋沙律酱更好。「炸日式饺子」有点锅贴既feel，个底脆脆地皮薄料多。总体黎讲，呢间拉面店环境阔落，侍应会主动加茶，态度好好，食物又出色，下次一定再黎