鳴虎 (北帝街) (已結業)

土瓜湾都算系一个几特别既地方，近住13街，食物方面真系差小小，行远小小，黎到北帝街呢边就比较多选择，但今次有拉面店真系比较小见，等左好耐，终于都开张啦，即刻去试下先啦。舖仔细细，都冇计既，土瓜湾地方真系唔大，入面放到几枱！不过都坐得几舒服。餐牌同好多拉面店都一样，几款拉面选择，跟住可以加小食同饮品。男朋友就叫左个黑呜虎，佢个汤底系用黑蒜油，墨鱼汁，猪骨汤做出黎既，初时我以为黑蒜油会盖过墨鱼汁既味，好彩地黑蒜油唔会太浓，反应令到墨鱼汁既味更加特出！！呢个拉面汤底都几特别！另外叫多个小食，呜虎炸鸡！呢个价钱有咁多旧都真系抵㖞，平时呢Ｄ价都只系两旧，呢间有５旧！炸得非常好味，外脆内嫩，好难明白点解可以个皮咁脆，但入面个鸡肉又嫩又多汁！非常利害，重点推荐！！我就叫呢个呜海老，睇落金黄色都知虾膏一样好足，当中佢地用左香味油，虾味噌同猪骨汤去制造出黎，虾味都ok，唔会太重味伤到喉咙。糖心蛋好入味，中间糖心真系非常之糖，放水唔会溶，食落又可以流心感觉！总括黎讲都几好，下次都可以带朋友黎食。