鳴虎 (北帝街) (已結業)

两个人叫咗两碗面，一份饺子。先要赞绿虎拉面，即系四国香葱油拉面。佢色香味俱全，葱够多，汤底热辣辣，味道浓郁，黑蒜油味好香。拉面系幼面，汤汁可以挂喺面上面，叉烧有两块，油脂香之余仲有小小烧嘅香味。伴喺旁边有半只糖心蛋。我一向都好钟意食糖心蛋，呢度嘅糖心蛋熟度适中，冇过熟或者过生，糖心效果一流，腌嘅程度时间都控制得好好，唔会太咸，所以我都追加左一份。食拉面嘅时候夹住啲葱浸一浸汤加埋啲木耳味道一流。食拉面最紧要配饺子（我通常都会咁做），呢个饺子皮薄馅靓，咬落多汁外脆内软。