鳴虎 (北帝街) (已結業)

近来都比较少过嚟呢条北帝街，今日上完堂喺呢条街揾嘢食，发现都多咗好多唔同类型嘅食肆，今日唔想食太丰富，所以喺度食一碗拉面的份量比较好。因为太太最近个胃唔系太好，想食一啲清淡嘅食物，佢哋嘅服务都好体贴，特登帮我哋煮咗一碗喺Menu上冇嘅拉面，鲣鱼汁波菜拉面，波菜份量丰富，汤底亦比较清淡，唔会太油腻。我点了日式鱼干猪骨汤拉面，猪肉够大片亦唔算好肥腻，腌制入味，轻轻用火煎得香口，鱼干猪骨汤算浓厚但又唔会好咸，可以饮晒成碗汤底。拉面亦够烟靭有咬口。