KAKU (已結業)

平时好日都唔去一次土瓜湾嘅我，前日因为去探朋友先发掘咗呢间位于启岸嘅日系西餐，网上介绍佢哋系用前米之莲法国厨师嘅团队，大有来头👀 试咗佢个lunch set，嘢食性价比都几高，而且环境装修都几骨致，好啱同闺蜜或伴侣嚟食倾吓偈😌我哋见有枱食紧呢个劲打卡able嘅前菜，好吸引所以都嗌咗🤭 佢系由好几块油甘鱼刺身卷成一朵花而成，面头仲有啲柠檬爆爆珠，成个口感好丰富，而且酸酸哋仲可以解到油甘鱼嘅油腻感添！我哋跟住嗌咗啲set系包餐包、汤同沙律嘅。沙律新鲜，加咗唔少藜麦，几健康；而汤系甘荀汤，几浓郁；而最好味都系个包😋 用上芝士餐包，劲香芝士味，新鲜出炉热辣辣，好松软👍🏻 再配上餐厅自加制嘅海苔牛油，超级夹呀😆成块肉眼扒大过我块面🤓 我哋嗌咗medium，除咗少少筋位，几乎成块扒都好软腍，煎得刚好，仲有唔少肉汁！而且烤杂菜份量都唔少，有薯仔、秋葵、鸡髀菇等，种类都几多🤪另外，仲嗌咗个龙虾汁意粉，意粉煮得好弹牙，龙虾汁好浓郁，捞咗大量樱花虾，令到每一啖都好有口感😋 而虎虾轻轻烤过，食落有炭香味，而肉质弹牙，很不错👍🏻而最后一个main系烤鲈鱼，鲈鱼外皮烤得几香脆，海鱼肉质较结实，点上龙虾汁鲜味大增