HeySoNuts

营业中

休息中

朋友bookmark咗呢间Cafe好耐，上星期终于得闲过嚟试吓。芝士焗肉丸配自家制烧烤酱 $88肉丸都系现成急冻货，芝士份量足够，做到拉丝效果。个自家制烧烤酱嘅味道我就食唔出同坊间𠮶啲有啲咩唔同，而且好稀，挂唔到汁上肉丸。如果想食肉丸，可能去某连锁家私舖食会开心啲。松露油忌廉野菌汁猫耳朵意粉 $102一上枱就闻到淡淡嘅松露香，猫耳朵意粉有啲厚度，口感烟韧，野菌菌份量虽然唔多，但系食落新鲜，面头有少少合桃碎，增加口感嘅层次。成碟意份份量偏少，男仔嗌一个可能食唔饱。伯爵茶忌廉日式疏乎厘松饼 $88伯爵茶味几清新，忌廉份量足够。Pancake有空气感，食落软绵绵唔会太湿但系略欠蛋香。虽然配料比较单调，得忌廉同埋少少饼干碎同脆片，但系整体嚟讲性格比几高。总共叫咗三样嘢，计埋加一埋单$306，cafe嚟讲唔算贵，但系食物份量较少，三个女仔食唔饱。