影片
更多
2021-05-05
353 浏览
#食在土瓜湾碌IG见到有介绍呢间「礼」居酒屋，卖相唔错！之后发觉居然喺土瓜湾有分店！住喺土记嘅我竟然一直都冇发现，真系惭愧！餐厅位于天光道斜路，其实成日都会经过，但冇谂过原来系食日本料理，皆因外面嘅装修风格会令人以为系酒吧！而内在装修其实都唔似传统嘅居酒屋：型格工业风再加入本元素，墙上木架放满咗唔同嘅日本酒酒樽，而餐厅又设有吧枱，感觉上有啲fusion特色！（用膳时都有几台客人所以唔方便影餐厅环境相）我同朋友喺冇book枱嘅情况下Walk in，可能时间尚早（大约黄昏6:30）我哋唔需要等位直接可以入座😝 以下就介绍吓我哋嗌咗嘅食物喇😋冲绳炸鸡 $78 虽然鸡肉系嫩滑，但因为冇去到骨，而且又炸得有啲硬（建议改用其他炸粉），所以影响到个口感 蟹膏玉子烧 $88玉子烧食得多但系包蟹膏嘅真系第一次好好味😋 主题刺身丼 $288 （帆立贝、海胆、三文鱼籽、牡丹虾、玉子、拖罗蓉）呢个刺身丼好出色呀，刺身嘅份量好足够亦都好新鲜！帆立贝同海胆好鲜甜😍 个拖罗蓉捞饭真系好满足😱 富士苹果烟肉卷 $48 & 鸡软骨$38个烟肉卷食落都几清新几特别鸡软骨不过不失，但有啲贵啰$38得一串🤦🏻♂️海老鳗鱼
碌IG见到有介绍呢间「礼」居酒屋，卖相唔错！之后发觉居然喺土瓜湾有分店！住喺土记嘅我竟然一直都冇发现，真系惭愧！
餐厅位于天光道斜路，其实成日都会经过，但冇谂过原来系食日本料理，皆因外面嘅装修风格会令人以为系酒吧！而内在装修其实都唔似传统嘅居酒屋：型格工业风再加入本元素，墙上木架放满咗唔同嘅日本酒酒樽，而餐厅又设有吧枱，感觉上有啲fusion特色！（用膳时都有几台客人所以唔方便影餐厅环境相）
我同朋友喺冇book枱嘅情况下Walk in，可能时间尚早（大约黄昏6:30）我哋唔需要等位直接可以入座😝 以下就介绍吓我哋嗌咗嘅食物喇😋
冲绳炸鸡 $78
虽然鸡肉系嫩滑，但因为冇去到骨，而且又炸得有啲硬（建议改用其他炸粉），所以影响到个口感
蟹膏玉子烧 $88
玉子烧食得多但系包蟹膏嘅真系第一次
好好味😋
主题刺身丼 $288 （帆立贝、海胆、三文鱼籽、牡丹虾、玉子、拖罗蓉）
呢个刺身丼好出色呀，刺身嘅份量好足够亦都好新鲜！帆立贝同海胆好鲜甜😍 个拖罗蓉捞饭真系好满足😱
富士苹果烟肉卷 $48 & 鸡软骨$38
个烟肉卷食落都几清新几特别
鸡软骨不过不失，但有啲贵啰$38得一串🤦🏻♂️
海老鳗鱼烧 $168
呢个真系好值得推介，鳗鱼上面酿左虾滑，再淋上鳗鱼烧汁一齐烧！增加口感之余亦唔会抢走鳗鱼嘅鲜味😋
免治鸡肉棒配蛋黄酱 $48
估唔到个蛋黄酱系真系一只蛋黄，我仲以为系mayonnaise😂 正正常常啦！
我叫咗杯冲绳啤酒朋友就叫左杯咖啡牛奶烧酎
烧酒对我来讲有啲啃，但系亦都饮到淡淡嘅咖啡香味，都好唔错👍🏻
整体来讲呢一餐非常之满足
冇谂过喺传统旧区土瓜湾都会有一间咁高质嘅日本料理，无论食物质素同埋餐厅嘅气氛格调都系高级嘅～
张贴
