鳴虎 (北帝街) (已結業)

今日去开九龙城做嘢，之后见饿饿地就去咗鸣虎拉面食个一人晚餐。我叫咗黑鸣虎，即系博多黑蒜油拉面。拉面用咗黑蒜油调味，未食已经闻到香浓黑蒜味。拉面有肥瘦适中嘅叉烧，轻轻烤过令肉香更出，配菜仲有爽口嘅黑木耳、葱、紫菜同浓郁蛋香嘅半熟蛋。追加咗鲣鱼汁浸菠菜，鲣鱼汁咸中带甜，菠菜份量多而且够新鲜，juicy得嚟嫩滑翠绿。真系太肚饿，仲叫咗芝麻鸡翼，鸡翼炸到金黄色，鸡皮好脆，咬落好香口。食咗咁多邪恶嘢，都系叫返支茶消滞稳阵，叫咗枝食事消脂乌龙茶，加入普洱茶同绿茶，有助阻止脂肪吸收。