夢の丼 (已結業)

自从屯马线开通后，会去唔同餐厅觅食。今次嚟到土瓜湾站，发现呢间好评如潮嘅日本丼饭专门店。平日夜晚人流唔算太多，不过原来食物是如此高质，真系沧海遗珠。我哋要咗一个花锦鱼生丼同梦之丼，梦之丼系呢间餐厅嘅主打，简直系刺身丼饭中既豪华版，有顶级刺身如三文鱼蓉、三文鱼子、牡丹虾、松业蟹脚、海胆、左口鱼边同帆立贝，味道确实高质，份量一啲都唔吝啬，$300泥讲算好抵食。如果对价钱太有concern推介可以食花锦梦之丼，呢款又系可以一次过食晒所有好食嘅鱼生，总共有13种配料，真系如花似锦。佢配埋个橙子醋，酸酸甜甜，令你消解刺身嘅饱腻感。我哋再叫咗个刺身拼盘有法国生蚝、深海池鱼、同鲷鱼薄切，每款都鲜味十足。所有刺身质素都好高质，日本货到港，呢个价钱绝对非常抵食！原来土瓜湾都有隐世高质日本餐厅。