洪記潮州滷味 (已結業)

转咗新工开始忙咗，好多时候都贪方便外卖返屋企，最近又买咗土瓜湾嘅洪记潮州卤味，作为晚餐非常值得推介。我叫咗鹅片猪脷饭，另外加咗一件健康豆腐、蒜蓉炒白菜，随餐仲附送老火汤。老火汤用咗瘦肉煲，仲有萝卜同冬瓜。蒜蓉炒菜心好好食，蒜味好浓，菜又爽口，好啱捞饭食。健康豆腐即叫即整，啲皮炸到金黄色，好吸引。豆腐好香口，有啲椒盐，每啖都品尝到浓郁嘅豆香。鹅片猪脷饭加咗榨菜同卤水豆腐做配菜，榨菜惹味又开胃。鹅片够入味，鹅肉味重，仲可以点附送嘅米醋一齐食。而猪脷就够稔身，整体水准好高。双拼饭份量好多，食唔晒留返第二日再食，而且整返热都仲保持到水准，非常抵玩。