洪記潮州滷味 (已結業)

土瓜湾成日都会有一啲令人惊喜嘅餐厅，今日就去咗一间食卤味嘅小店买晚餐嘅外卖。我叫咗一个卤水鹅饭，随餐附送例汤，有红萝卜南北杏做材料滋润一下。卤水制品通常都会偏咸，呢间餐厅嘅味道就啱啱好，食得多卤水味之余又唔会觉得唔健康。$50一个饭，绝对值回票价，因为份量都大，仲有少少配菜同豆腐。卤水鹅分量十足，肥瘦适中而且皮够薄，食落去啖啖肉。配菜咸咸酸酸，适合捞饭一齐食。因为我屋企都好钟意食潮州嘢嘅关系，除咗自己嘅饿肉饭之外，仲特别加料嗌咗鹅肝同埋豆腐一齐分享。因为唔知道有咁多件豆腐，最后叫咗两份健康豆腐，好似有啲多，好彩豆腐够健康唔怕食多啲。鹅肝非常之肥美厚实，四个人食都好足够。鹅味浓之余冇法式鹅肝咁油腻，而且有酸醋汁中和一下油腻感。