高山文化咖啡廳

营业中

休息中

约朋友catch up下，想揾间够空间感又静静地嘅 cafe，所以黎咗高山剧场入面嘅高山文化咖啡厅。入到去有落地大玻璃，再配啲木枱凳，系好舒服嘅。当日2点左右去到，拣咗窗边坐 。QR code落完单之后都差唔多等咗半个钟先有野食，但餐厅入面嘅两枱客都已经系食紧，姐系得我地一枱order下，都要等好耐先有得食。不过我地唔赶时间就由佢。茄香鳀鱼阔条面冇好浓嘅茄香，就系得啲切半嘅蕃茄仔。啲意粉煮到过咗火所以好淋，唯一好嘅系啲洋葱粒蒜炒得香。鳀鱼我都知系咸嘅，但佢有啲整得唔够碎，冇好小心望住黎食嘅话，就会有好劲嘅味蕾冲击。牛油果酸种面包配紫薯蓉Sour dough面包好食，面头涂咗层Greek yogurt再有半个切片嘅牛油果。紫薯蓉好creamy，正正常常。夏威夷果仁鲜奶咖啡我同朋友都叫咗夏威夷果仁鲜奶咖啡，一杯冻一杯热。冻果杯只系系好淡好淡嘅果仁味，奶味完全盖晒，有啲失望。朋友果杯热嘅，佢话都算浓。如果嗌呢杯嘅话，都系饮翻热嘅安全。整体黎讲都只系麻麻地，论环境系冇得输，同朋友倾下计/揾个地方做下野嘅话系几好坐，但食物就唔好有啲咩期望。