熱沙咖啡 (已搬遷) 新店位置

因为爆假，所以今日请左半日假，叫埋男朋友请假陪我。我计划左去马湾走一转，首先当然系要食午餐医肚啦。我地见到呢间餐厅好有特色，平时又好少食土耳其菜，加埋本身今年要去土耳其旅行但因为疫情无得去，于是入左去食。我地拣左特色园池素鸡饭同香浓烤鸡饭，两款都色彩缤纷，食欲大增。特色园池素鸡饭用左五色蔬菜制成，行健康路线。有鹰嘴豆泥、鹰嘴豆、土耳其沙律、豆制既素鸡、粟米、红椒、洋葱、饭，清新又饱肚。香浓烤鸡饭有大量蔬菜伴碟，烤鸡十分嫩滑，白饭索左啲鸡油，好香口。老板话佢地餐厅系全世界首间以精品咖啡制作方式冲制土耳其咖啡，精品咖啡既咖啡因比市面上既咖啡少八成。老板当即急不及待即冲哥伦比亚国烘咖啡俾我地品尝。哥伦比亚国烘咖啡带酸味，无论静止、顺转、逆转杯咖啡都有唔同既香气同味道，摇动咖啡可以释放咖啡粉中二氧化碳。老板好热情同我地介绍土耳其热沙咖啡、手冲鸳鸯、云南泡茶。第一次体验用300度既热沙冲制土耳其咖啡，十分有趣。土耳其专用既咖啡杯别具一格，好精美。老板仲手冲左冻同热既鸳鸯俾我地，好特别。又冲制云南泡茶，味道清香。