Turkeyano

营业中

休息中

前几日同朋友喺佐敦打完波，行去搭巴士途中，见到呢间专土耳其外卖小店咁多人喺门口等外卖，闻到阵阵烤肉香味，我都忍唔到要买个外卖番屋企食。土耳其佬盒-炸脆鸡粒配薯条盒$78炸脆鸡粒同薯条系即叫即炸，薯条系用我至爱既粗身薯条，入口够晒脆卜卜，唔算好油腻，份量亦好多吖，够晒饱！外卖仲跟埋几款唔同既酱汁。烤羊肉卷 $88好耐无食羊肉，今次就试下烤羊肉卷，羊肉烤火喉烧得岩岩，一啖咬落去阵阵羊油脂香味涌晒出嚟，肉质唔会好韧，里面仲有新鲜嘅生菜、洋葱条同蕃茄，配埋薄荷酱、洋葱酱、土耳其辣酱，增加口味层次，又可以解腻，饼皮仲喺热热地软软地，令人咬一啖就停唔停口要再咬第二啖。