影片
更多
2024-03-21
51 浏览
Cappadocia Turkish Kebab 📍湾仔骆克道114-120号嘉洛商业大厦地下A号舖提到土耳其，大家可能会谂起伊斯坦堡或安卡拉等嘅名字，因为前者系土耳其最大嘅城市，而后者就系首都，但相信更多人会联想到满天热气球嘅画面，始终真系喺土耳其先可以见到咁嘅壮观奇景。而最广为人知嘅，应该就系卡帕多奇亚呢个地区啦。朋友之前用佢妈咪趁假期去咗一转土耳其，当然有到访呢个胜地啦，佢仲食咗唔少地道土耳其美食，时不时都会讲想再食土耳其菜。身为100分朋友嘅我，当然要揾返间水准唔错又正宗嘅土耳其餐厅招呼佢啦，所以我就揾咗呢间系我公司附近以卡帕多奇亚命名嘅餐厅，约咗佢放工后去回味一下土耳其食物嘅滋味。甫进入餐厅，就见到富有土耳其特色嘅装修同摆设，好似马赛克挂灯、景色优美嘅风景照、土耳其球衣等，播埋土耳其歌曲，彷佛置身土耳其。餐厅由土耳其夫妇用心经营，严选未经雪藏过嘅新鲜肉类制作餐品，又以环保餐具器皿盛载食物，可见其细心同用心。 💰$80Lamb Kebab Wrap 🫔嚟到呢到，当然要食人气no.1嘅kebab wrap啦，我咁钟意食羊肉，唔洗谂即刻拣好。友善嘅老板主动同我哋分享，话羊肉系喺星期
📍湾仔骆克道114-120号嘉洛商业大厦地下A号舖
提到土耳其，大家可能会谂起伊斯坦堡或安卡拉等嘅名字，因为前者系土耳其最大嘅城市，而后者就系首都，但相信更多人会联想到满天热气球嘅画面，始终真系喺土耳其先可以见到咁嘅壮观奇景。而最广为人知嘅，应该就系卡帕多奇亚呢个地区啦。
朋友之前用佢妈咪趁假期去咗一转土耳其，当然有到访呢个胜地啦，佢仲食咗唔少地道土耳其美食，时不时都会讲想再食土耳其菜。身为100分朋友嘅我，当然要揾返间水准唔错又正宗嘅土耳其餐厅招呼佢啦，所以我就揾咗呢间系我公司附近以卡帕多奇亚命名嘅餐厅，约咗佢放工后去回味一下土耳其食物嘅滋味。
甫进入餐厅，就见到富有土耳其特色嘅装修同摆设，好似马赛克挂灯、景色优美嘅风景照、土耳其球衣等，播埋土耳其歌曲，彷佛置身土耳其。餐厅由土耳其夫妇用心经营，严选未经雪藏过嘅新鲜肉类制作餐品，又以环保餐具器皿盛载食物，可见其细心同用心。
[价钱 Price]
💰$80
Lamb Kebab Wrap 🫔
嚟到呢到，当然要食人气no.1嘅kebab wrap啦，我咁钟意食羊肉，唔洗谂即刻拣好。友善嘅老板主动同我哋分享，话羊肉系喺星期一开始腌制，腌足一日，不入冻柜。腌料方面只系用咗olive oil、salt同black pepper调味，简单调料就吊出新鲜羊肉嘅鲜味，食过齿颊留香，爱羊之人必点！
饼皮质地偏软唔干身，但即使卷住咁多汁嘅羊肉都唔会淋晒，加上上餐前已切成两份，食用方便。内里包裹住嘅生菜亦好食，性价比高，亦能饱腹，吸引唔少人买嚟当lunch或dinner。
[价钱 Price]
💰$80
Lamb Kebab Bread 🍔
同样夹有大量羊肉，面包口感就脆口得多，而且包面洒有芝麻，咬落面包时会闻到好香嘅芝麻味。包身偏薄，外脆内软，夹住充满肉汁嘅羊肉kebab、新鲜蕃茄片同涂满特色酱汁，完胜burger！
温馨提示，羊肉包实在太多汁，建议大家影完相好快啲开餐，免得肉汁酱汁浸淋呢个咁好食嘅包！
[价钱 Price]
💰$70
Mix Kebab Rice 🍱
老板娘话好多人都叫wrap同bread，但佢推介我哋食佢哋嘅kebab rice，所以我哋叫咗份mix meat一试。出奇地，佢哋无用较长较瘦嘅印度米做饭底，而系拣咗一般较饱满嘅白米去煮，所以白饭可以吸尽烤肉嘅肉汁，滋味非常。
Mix Kebab有羊肉同鸡肉，羊肉同上面嘅口感味道一样，但肉汁更多，羊肉味更突出；至于鸡肉脂肪比例较少，鸡味唔算浓但肉唔会干柴，以简单调味腌制后，味道恰到好处。Kebab上唧满特色酱汁，食次搅拌一下，将碎肉、肉汁、油份同酱汁混合米饭，啖啖满足。
朋友一向注重均衡饮食，佢好欣赏伴碟嘅沙律菜，认为新鲜蔬菜能平冲营养需要，当中部份菜类略带酸味，则能中和肉饭嘅油腻感，整体味道出色，推介各位一试。
[价钱 Price]
💰$50
Humus Turkish Pita Bread 🫓
朋友分享，话佢去到土耳其食嘅每餐饭，几乎都会见到humus嘅身形。佢认为如果要体验正宗土耳其料理，就必须要叫返份嚟试。我自己去北欧嘅时候，当地人有带我去摘自家种植嘅chickpeas，然后手把手咁教我整humus。就系𠮶次体验，我知道呢款dip天然健康，唔洗加太多调味就已经好好食。
呢间餐厅主打homemade同用天然食材制作食物，所以呢款humus都系老板一手一脚调制，加入olive oil后口感变得特别幼滑，chickpeas味道浓厚，即使系素食都可以食得好满足。
相比起lamb bread用嘅面包，我更钟意呢款pita bread。佢比我食过嘅pita bread松软厚身，横直相间嘅条纹令面包受热均匀，表面烤至微焦，闻落麦味浓香，配humus食为之一绝！
张贴
