熱沙咖啡 (已搬遷) 新店位置

今日去咗马湾一日游，阳光与海滩，竟然有一间土耳其隐世咖啡店喺马湾度。咖啡店除咗有嘢食同咖啡饮之外，其实都仲有唔同工作坊俾人去参加，真系又有得玩又有得食。特色园池素鸡饭 $98呢个主打均衡素食嘅饭，上面已经包含咗一日所需嘅五色素菜，营养非常丰富。最特别嘅系中间由餐厅自己整嘅鹰嘴豆泥同红萝卜沙律酱，捞埋啲素鸡同饭一齐食，非常好味。秘制鸡肉烤饼 $178烤饼嘅份量十足，块饼仲大过我成块面，材料亦都非常之丰富。旁边嘅配菜非常好味，调味啱啱好，酸酸甜甜，配埋烤饼一齐食，又几好味㖞。烤鸡整得好好味，非常滑身。土耳其热沙咖啡 $80餐厅仲有得俾你可以自己整热沙咖啡，搞到自己真系好似去咗土耳其。着埋土耳其嘅服装，用热沙嘅方法去冲住一杯咖啡，特别有一番风味。老板娘非常热情好客，令我都好想下次再黎。