土耳其小城 (萬昌樓) (已結業)

今次同老公入到元朗，见到呢间土耳其小城，就试下新野啦！一入到去好似去佐土耳其旅行咁，马赛克装饰既墙砖同埋马赛克灯，成个环境都好有特色👏🏻我地先叫个沙律黎食，深海鱼柳沙律 $60🥗一上枱见到3大旧鱼柳，炸到金黄色，脆卜卜，咬落鱼肉仲好鲜味，配埋满满既蔬菜，好食！之后见到有个菜式既名几吸引，就试埋！木炭烤羊件 $138 ，羊件用铁板上，够晒热呀😝一碟有6件，而且原来系免治羊肉，食得好方便！加佐芫荽籽既羊肉好香，肉质又好，好味！😋食得土耳其菜系要叫埋烤饼试吓既！我地就叫佐蒜油烤饼 $28，🫓烤饼好香蒜蓉味，亦有其他香料调味，烟烟韧韧，好正！估唔到脆皮鲜奶卷 $48都系土耳其风味😆外脆内软既鲜奶卷好好食，土耳其既鲜奶奶味好浓，做甜品一流！