影片
更多
2016-02-05
797 浏览
收炉的团年饭选择在金都渡过,BOOK 左十二点半,去到就开到位俾你。由于叫左好多野食,以下都系节 录左部分。烧腩仔肥瘦都适中,不过就咸左D,皮唔够脆,而且无黄芥末呢个必备的拍档。烧鸭半只跟鲜茄鸡球米线($108),其实最抵食呢个,有鸭有鸡有蕃茄,鸭肉多汁虽然皮唔脆,米线份量唔吝啬,汤底清,食得出系鲜蕃茄唔系罐头汤,最有诚意之选。南乳猪手,可能伪瘦猪,所以只手有D瘦,都算入味,不过不失咁啦~~炸芋角,好似唔系间间酒楼会有的怀旧点心,炸得好香口,脆卜卜,入面有D咸水角果类的馅料,以为系甜但原来系咸的。呢个真系好好笑,第1 次见炸鱿鱼会配搭炸薯条=0=,鱿鱼好食唔会太韧,粗身而且唔厚粉,然而薯条真系无味,心谂加左薯条系咪可以俾少D鱿鱼你?节省D成本呢?早知问阿姐有无蕃茄酱~杞子桂花糕,应该唔会可以整得难食的,所以呢个都唔太伏,杞子仲有好多粒TIM。冰花杏香烧霜雪,唔系我好文采,佢真系咁写架XD开头以为系杏仁霜之类,点之错了,原来系冰糖雪耳炖雪梨,大家不妨一次,叫1个试下就好,不过唔合我口味。椰汁煎年糕,厚切煎,烟韧有椰汁的清香,有惊喜,不会太甜。红豆沙,唔系起沙,有粒粒红豆。外表炸得唔错
烧腩仔肥瘦都适中,不过就咸左D,皮唔够脆,而且无黄芥末呢个必备的拍档。
烧鸭半只跟鲜茄鸡球米线($108),其实最抵食呢个,有鸭有鸡有蕃茄,鸭肉多汁虽然皮唔脆,米线份量唔吝啬,汤底清,食得出系鲜蕃茄唔系罐头汤,最有诚意之选。
南乳猪手,可能伪瘦猪,所以只手有D瘦,都算入味,不过不失咁啦~~
炸芋角,好似唔系间间酒楼会有的怀旧点心,炸得好香口,脆卜卜,入面有D咸水角果类的馅料,以为系甜但原来系咸的。
呢个真系好好笑,第1 次见炸鱿鱼会配搭炸薯条=0=,鱿鱼好食唔会太韧,粗身而且唔厚粉,然而薯条真系无味,心谂加左薯条系咪可以俾少D鱿鱼你?节省D成本呢?早知问阿姐有无蕃茄酱~
杞子桂花糕,应该唔会可以整得难食的,所以呢个都唔太伏,杞子仲有好多粒TIM。
冰花杏香烧霜雪,唔系我好文采,佢真系咁写架XD开头以为系杏仁霜之类,点之错了,原来系冰糖雪耳炖雪梨,大家不妨一次,叫1个试下就好,不过唔合我口味。
椰汁煎年糕,厚切煎,烟韧有椰汁的清香,有惊喜,不会太甜。
红豆沙,唔系起沙,有粒粒红豆。
外表炸得唔错的蛋散,入口松架,唔脆的,呢个伏了......
最伏是马豆糕......马豆唔知有无十粒,稀到出水,落多D鱼胶粉会好D啩.......总括讲,上菜的时间真系要等半个钟,如果肚饿会比较惨,要等下先有得食。而味道真系唔差就收货,唔使点期望太高,见到怀旧点心同特别名称的点心可以试下,这是发掘这酒楼的另类乐趣。另外我觉得D酱真系要问阿姐拎,点解肠粉无甜酱、花生酱?萝卜糕都无,春卷无沙律酱......唯一好处是呢度够静,可以慢慢食同倾计。
张贴
