上海婆婆336 (iSQUARE國際廣場)

营业中

休息中

上海婆婆336位於尖沙嘴Isquare，餐廳好大間，有好多座位，坐梳化位又大張又舒服。話梅車釐茄蕃茄同話梅一齊係道非常好既前菜，酸酸甜甜好醒胃。鎮江肴肉肉厚豐滿，一啲都唔肥膩。上海小籠包熱辣辣，入口爆汁，非常好味。黑醋排骨醋醬汁好入味，微酸，味道唔錯。砂鍋雲吞雞每粒雲吞都好大粒，雞肉非常之嫩滑，小棠菜鮮甜,個湯幾好飲。柚子蝦球香濃柚子味，酸酸甜甜非常開胃，蝦球大隻，肉質彈牙。蜜汁火方將金華火腿(用冰糖蜂蜜桂花蒸煮而成)、薄脆和青瓜片放落麵包夾埋一齊食，入口好有層次感，非常惹味。雪糕高力高力豆沙外表不會過於鬆軟，食落唔會太甜。雪糕係抹茶和黑芝麻兩種味道。