豚王 (已結業)

【拉面控】但对于豚王既质素，表示麻麻地。嚟到豚王当然要试试佢地既看家本领「豚王汤底」( Butao $89)， 配肩肉、2辛、秘制酱油 : 多、其他都系正常。上面时第一啖要试既系先饮啖头汤，试落无乜特别新鲜浓郁既豚骨味，但个幼面有惊喜，弹牙爽口。至于肩肉感觉系新鲜，无个阵隔夜味，个厚度都OK，肉质唔老。但整体个汤底救唔到个拉面，另外可能要求佐多秘制酱油，食到一半已经觉得好油腻，最后就系食唔哂，放弃了! (听到随离台加面，+15 大胃王可以考虑)除佐拉面仲点佐碟饺子(豚王饺子王 $28)，大约10分钟左右，就先上饺子食住等个拉面，饺子微微煎到起焦边，但个皮有D厚，所以食落唔脆，都系出面都食得到既大众饺子。睇佢介绍个饺子话配搭一款柚子柠檬酱油，唔咸食落唔太觉有酸同橘子汁既新鲜，用筷子蘸小小先试真到有柠檬柚子味。【食过日本既拉面】如果10分满分，尖沙咀棉登径呢间有……6.5/10