影片
更多
2021-08-19
381 浏览
饮茶文化自古响香港人眼中系传统之事，自从茶楼以外更多既点心专门店开到成行成市个阵，夜茶就成为左一般早午饮茶以外既新选择。作为跟随正常办公室时间返工既人，要叹一盅两件既话就只能够响晚上进行喇。九龙城入面都有唔少中式食肆，不过如果提供夜茶既餐厅真系唔多，誉满就系其中1间喇。可能系因为夜茶既时间，店舖入面人数唔多，小编与老公都好舒服咁可能坐到4人枱，比较阔落咁享用点心；而且可能都要将就比较多老人家光顾，店铺内既走廊都比较阔，所以人与人之间既防疫距离都会做到足。食品方面见到以蒸点为主，亦都有唔少既蒸饭，不过难得既夜茶体验，小编与老公就决定避开蒸饭，主力试下佢地唔同既蒸点﹑炸点同甜品喇!凉拌黑木耳拼青瓜 ($19)：始终饮茶都会接触到比较油腻既炸点，所以就以凉拌食品作为开头。黑木耳以酸汁作为调味，配以青瓜就可以做到开胃既效果，唔错。鲍汁花生炆凤爪 ($32)：总共有大约5只凤爪。小编与老公一放凤爪入面个刻都即刻话：「好焾呀!」凤爪煮到非常软身，原则上唔计鸡骨外，凤爪既皮都可以用脷就分到出黎，非常适合老人家享用；凤爪都完全吸满鲍汁既味道，所以偏向浓但唔会觉得咸既香味。推荐!马苏里拉芝士虾春卷 ($
九龙城入面都有唔少中式食肆，不过如果提供夜茶既餐厅真系唔多，誉满就系其中1间喇。可能系因为夜茶既时间，店舖入面人数唔多，小编与老公都好舒服咁可能坐到4人枱，比较阔落咁享用点心；而且可能都要将就比较多老人家光顾，店铺内既走廊都比较阔，所以人与人之间既防疫距离都会做到足。
食品方面见到以蒸点为主，亦都有唔少既蒸饭，不过难得既夜茶体验，小编与老公就决定避开蒸饭，主力试下佢地唔同既蒸点﹑炸点同甜品喇!
凉拌黑木耳拼青瓜 ($19)：始终饮茶都会接触到比较油腻既炸点，所以就以凉拌食品作为开头。黑木耳以酸汁作为调味，配以青瓜就可以做到开胃既效果，唔错。
鲍汁花生炆凤爪 ($32)：总共有大约5只凤爪。小编与老公一放凤爪入面个刻都即刻话：「好焾呀!」凤爪煮到非常软身，原则上唔计鸡骨外，凤爪既皮都可以用脷就分到出黎，非常适合老人家享用；凤爪都完全吸满鲍汁既味道，所以偏向浓但唔会觉得咸既香味。推荐!
马苏里拉芝士虾春卷 ($26)：虾虽然系用上虾胶去制作，但好处系容易卷起去炸；炸个阵似乎都系高温炸熟所以非常脆口，不过马苏里拉芝士唔知系被虾味覆盖定其他原因，小编就真系唔系太食到芝士味，唯有当一般既春卷咁食吧。
青芥末子母虾饺 ($28)：与店铺另一款虾饺「翡翠芦笋鲜虾饺」相比，小编见到青芥末个刻都不禁疑问究竟会唔会太辣? 但原来效果都几得意，清清既虾饺上有一小粒芥末，食个阵记得一啖过去食，咁你就会感受到少少辣既芥末去刺激味蕾既同时带出虾既鲜味。同传统既虾饺相比，都系一个好既尝试!
蜜汁叉烧肠 ($22)：豉油会另上以方便你调节用量。叉烧份量几多，小编个碟肠粉既叉烧咁岩响头尾，变左当响中间夹开两件以方便食个阵，就唔会因为配料唔平均而只食到肠粉。
山竹牛肉球 ($20)：小编一见到个阵都觉得牛肉好大件，而且都可以睇到牛肉唔系用完全打碎既免治牛肉去制成，所以食个阵都仲有少少牛肉粒既口感，呢个点心小编都觉得抵食而大件。
食左咁多点心后，响食甜品前都叹返杯热茶。呢度既茶叶会预先装响茶包内，就唔会令你饮茶个阵会饮到茶叶；小编叫左香片享用既1个钟左右时间内，茶味仍然都保持得几好而唔驶特登加茶叶。
原粒红豆糕 ($20)：其实大约都系椰汁红豆糕既感觉，但红豆的确系原粒既同椰汁糕一齐冷冻；唔算太甜所以都适合大人小朋友食。
新疆枣皇糕 ($24)：枣皇糕系整个叹茶之夜最深刻既! 平时响酒楼食既红枣糕一般都系以红枣汁加糖制成，味道会偏甜；但今次既枣皇糕一来以千层糕形式夹住奶皇，令味道更丰富，而且奶皇唔算太甜情况下令口感更满足。唯一不足只系红枣个层会比较容易溶。
偶然夜晚俾自己休息下，叹返杯茶的确可以令自己心情可以调节下吧!
张贴
