影片
更多
2017-04-27
372 浏览
今晚继续系做到好夜先收工，又系攰到只积咁，屋企例牌无饭开，老公话不如去茶仔搞掂啦。经过呢间招牌抢眼，装修新净嘅冰室我哋就入咗去喇。入面干净企理，而且唔会好迫，又有电视睇，可以舒舒服服咁食个晚饭。睇下个餐牌，原来喺呢度都有好嘢食㖞！虽然系茶仔食百几蚊个餐听落有点儿那个，但正所谓辛苦揾来志在食，咪试吓啰。问咗侍应吉列牛同煎牛边个好食啲，佢话吉列就香口啲、特别啲；煎呢就原汁原味啲。于是我叫咗煎美国安格斯牛意粉，老公叫咗焗肉酱意粉。另外，为左达到一个有营晚餐，我哋仲叫咗个番茄鱼汤浸生菜。先来跟餐嘅罗宋汤，大大碗好足料，劲多蔬菜喺入边，不过我觉得辣左少少。呢个鱼汤鲜茄浸蔬菜好好味，个汤清清地，生菜新鲜爽口，一路食菜一路饮汤，感觉非常健康 然后，食肉兽嘅主菜出场了！意粉虽然卖相平实，但其实整得唔错。首先，块牛扒系好有厚度而且真系做到约medium的效果，外面煎到微微焦香，入面依然几juicy个意粉当然就唔系好al dente个只，但食落都唔会煮到好腍，而且带点点蒜香味，都几好食。老公个肉酱意粉都几正，芝士同埋肉酱嘅份量都好慷慨，食极都仲有，好鬼满足不过就略为咸左少少。咸咗少少都唔紧要，饮番杯冻柠水
入面干净企理，而且唔会好迫，又有电视睇，可以舒舒服服咁食个晚饭。
睇下个餐牌，原来喺呢度都有好嘢食㖞！
虽然系茶仔食百几蚊个餐听落有点儿那个，但正所谓辛苦揾来志在食，咪试吓啰。问咗侍应吉列牛同煎牛边个好食啲，佢话吉列就香口啲、特别啲；煎呢就原汁原味啲。于是我叫咗煎美国安格斯牛意粉，老公叫咗焗肉酱意粉。另外，为左达到一个有营晚餐，我哋仲叫咗个番茄鱼汤浸生菜。
先来跟餐嘅罗宋汤，大大碗好足料，劲多蔬菜喺入边，不过我觉得辣左少少。
鲜茄鱼汤浸生菜
$38
16 浏览
0 赞好
0 留言
呢个鱼汤鲜茄浸蔬菜好好味，个汤清清地，生菜新鲜爽口，一路食菜一路饮汤，感觉非常健康
然后，食肉兽嘅主菜出场了！
煎美国安格斯牛意粉
$168
13 浏览
0 赞好
0 留言
意粉虽然卖相平实，但其实整得唔错。首先，块牛扒系好有厚度而且真系做到约medium的效果，外面煎到微微焦香，入面依然几juicy
个意粉当然就唔系好al dente个只，但食落都唔会煮到好腍，而且带点点蒜香味，都几好食。
芝士焗安格斯肉酱意粉
$58
10 浏览
1 赞好
0 留言
老公个肉酱意粉都几正，芝士同埋肉酱嘅份量都好慷慨，食极都仲有，好鬼满足
不过就略为咸左少少。
咸咗少少都唔紧要，饮番杯冻柠水即刻掂哂！张贴
