影片
2011-10-28
82 浏览
并非我地系SAMMI CAFE 既员工，而系本来book左星期二晚上八点，但服务员话我系book左星期五(其实本人都几肯定自己系book星期二既)，所以冇位俾我地。不过我地三个人去到果阵已经系八点几，好鬼肚饿，因此当服务员问：你地介唔介意坐入面? 我地都冇乜犹豫就答：ok!!SAMMI CAFE个亚姐好热情咁招呼我地，又不停推介猪手餐，卒之，三个人点左三个餐(当然有猪手餐啦)，因为会share食，所以三款汤，每款一个。龙虾汤够浓味，而且个拉花仲好鬼靓，可以肯定厨师落足心思呀! 白汤就冇试喇，朋友话，对食冇乜要求，所以食咩都觉得好好味，其实白汤个拉花都好靓架，同个汤好衬架。杂菜汤本身已经有少少辣味，好正，不过佢因为唔系咁creamy汤式，所以冇得好似之前两个汤，拉晒花咁。前菜另有芝士焗蚝，虽然得一只，而且细细只，但系，我就觉得一只岩岩好，因为一阵黎既主菜都好大份架。而且由于佢用左大量芝士，所以一、香; 二、'溜'。主菜黎喇，同样系三款share。德国猪手、香草羊架、白酒大蚬意粉。德国猪手原只上，其实都系第一次见到，我地好用心咁切，切极都系得果少少肉，就发脾四：点解唔切埋俾人架? 有个年轻
SAMMI CAFE个亚姐好热情咁招呼我地，又不停推介猪手餐，卒之，三个人点左三个餐(当然有猪手餐啦)，因为会share食，所以三款汤，每款一个。龙虾汤够浓味，而且个拉花仲好鬼靓，可以肯定厨师落足心思呀! 白汤就冇试喇，朋友话，对食冇乜要求，所以食咩都觉得好好味，其实白汤个拉花都好靓架，同个汤好衬架。杂菜汤本身已经有少少辣味，好正，不过佢因为唔系咁creamy汤式，所以冇得好似之前两个汤，拉晒花咁。
前菜另有芝士焗蚝，虽然得一只，而且细细只，但系，我就觉得一只岩岩好，因为一阵黎既主菜都好大份架。而且由于佢用左大量芝士，所以一、香; 二、'溜'。
主菜黎喇，同样系三款share。德国猪手、香草羊架、白酒大蚬意粉。德国猪手原只上，其实都系第一次见到，我地好用心咁切，切极都系得果少少肉，就发脾四：点解唔切埋俾人架? 有个年轻男子答道：我帮你拎入厨房切啦。猪手真系几好食，皮脆肉嫩。配埋芥末系正。美中不足系佢地冇甜芥末。而羊架就细件左少少，卖相冇咩特别，但系点d薄荷、点d芥末就变得好食，真系第一次有呢种配角可以改变成部戏观既感觉。大蚬意粉系最后点既，果阵谂住肚饿，点都要三个餐，而且个个都系薯菜底，唔叫番个饭或者意粉就唔会饱，最后呢个系唯一清唔晒架啰，事实系佢个汁太淡，所以食完咁多惹味既菜色后，再食呢个已经觉得淡而无味
甜品可以拣木糠布甸，或者加$30转心太软。原本都想转，不过谂下谂下又觉得唔系好抵，就食布甸喇，唔使加钱既野，原本就冇乜要求，点知食落又几滑㖞。赞！
张贴
