影片
更多
2012-01-25
290 浏览
10月22日, 今日好想食西餐, 呀比就提议嚟呢度~ 行上一条唔太起眼嘅楼梯后, 一入门口先经过一个艺术展品区, 到达呢间感觉家庭式好cozy嘅用餐区, 书架上有书有杂志睇, 又有音乐听~ 然后我地就慢慢点餐喇.::: 白汁野菌杂锦肠意粉 + 冻咖啡 ::: $58随餐附送是日餐汤, 今日系忌廉蘑菇汤~ 感觉上似系罐头汤底, 再沟番d蘑菇茸入去咁. 忌廉味清淡, 渗出淡淡嘅蘑菇味. 整体味道偏淡, 不过胜在质地够杰.杂锦肠有司华力肠、芝士肠、白猪肉肠几种肠仔切片, 菇嘅份量唔算多. 意粉个白汁味道同是日餐汤十分相似, 不过味道都系偏淡, 好在d肠仔够咸先突出番个味~ 面头有半片车厘茄同一片烤得颇干嘅翠玉瓜, 但都系无乜味嘅… 意粉煮得较淋, 不过捞埋d汁食都ok~ 整体系好屋企风味嘅意粉~冻咖啡唔错! 够香够浓带少少涩味, 好好嗒~ 系可以用嚟叹嘅咖啡!::: 白菌忌廉汁龙俐柳天使面 + 冻柠茶 ::: $68其实个白菌忌廉汁又系美其名, 到头来咪同个白汁一模一样… 又有件车厘茄同翠玉瓜, 即系除咗块龙俐之外就同个杂锦肠意粉冇分别…龙俐柳有2件, 份量都几多, 味道够咸, 可以带出番
::: 白汁野菌杂锦肠意粉 + 冻咖啡 ::: $58
随餐附送是日餐汤, 今日系忌廉蘑菇汤~ 感觉上似系罐头汤底, 再沟番d蘑菇茸入去咁. 忌廉味清淡, 渗出淡淡嘅蘑菇味. 整体味道偏淡, 不过胜在质地够杰.
杂锦肠有司华力肠、芝士肠、白猪肉肠几种肠仔切片, 菇嘅份量唔算多. 意粉个白汁味道同是日餐汤十分相似, 不过味道都系偏淡, 好在d肠仔够咸先突出番个味~ 面头有半片车厘茄同一片烤得颇干嘅翠玉瓜, 但都系无乜味嘅… 意粉煮得较淋, 不过捞埋d汁食都ok~ 整体系好屋企风味嘅意粉~
冻咖啡唔错! 够香够浓带少少涩味, 好好嗒~ 系可以用嚟叹嘅咖啡!
::: 白菌忌廉汁龙俐柳天使面 + 冻柠茶 ::: $68
其实个白菌忌廉汁又系美其名, 到头来咪同个白汁一模一样… 又有件车厘茄同翠玉瓜, 即系除咗块龙俐之外就同个杂锦肠意粉冇分别…龙俐柳有2件, 份量都几多, 味道够咸, 可以带出番意粉同个汁嘅味道~
冻柠茶够晒港式茶餐厅feel, 柠檬都够鲜, 又够冻, 正!
::: 蒜茸包 ::: $12
跟餐加$12先有~ 不过一客有5件, 每件平均过半吋厚, 蒜茸牛油搽得均匀, 焗完又香又松化! 抵呀~
::: 纽约芝士饼 ::: $22
食饱饱后再散叫咗件cake~ 虽然呢个new york cheesecake唔算好正宗, 但佢个质地够晒湿润细密, 口感软绵绵~ 芝士味清香不腻, 最重要面头层cream够薄, 唔会太heavy, 如果饼得做得实d更佳!
呢度不论环境、食物、服务都好有住家feel! 虽然唔算得上好高质素, 但坐得好舒服, 食得够写意~ 一边食野一边睇书睇杂志, 悠悠闲咁又过咗一个下午~ 好叹呀!
张贴
