木玥巷

营业中

休息中

屯门台式食店唔多，呢间小店开左几个月，一直想试吓，终于有机会可以黎食喇！— — — — — — — — — — — — — — — — — — — 【木玥招牌红烧牛肉面】$96汤底属于比较清甜果种，唔会好劲味精，材料有牛𦟌、牛筋、牛肚，炆得几腍又入味。配料有豆腐卜、白萝卜、红萝卜，几中意个豆腐卜，脆脆地好香口。面底系比较幼身嘅台湾面，软硬适中。— — — — — — — — — — — — — — — — — — — 【战斧盐酥鸡扒】$82真系重量级鸡扒，超大份！外层炸粉好够脆，鸡肉嫩滑多汁，食落唔觉油腻，系正宗台底盐酥嘅味道😋 佢重配埋一个甜酸酱，更加惹味。— — — — — — — — — — — — — — — — — — — 【台湾双色肠】$46黑色估计系墨汁肠，两只肠都充满台湾风味，同埋份量都几多，过口瘾真系啱哂喇😆— — — — — — — — — — — — — — — — — — — 【玫瑰可可鲜奶】$32【玫瑰蜜桃果茶】$28两杯饮品都系价钱合理，欣赏佢热饮都有咁大杯，唔错！