Artistry Brewing Company

营业中

休息中

星期一，如常的假期，本来谂住去长洲玩一日，但女朋友临时有工作，所以就改咗期，约咗佢之前有留意嘅Artistry Brewing Company食午餐，舖头位置北角地铁站B4出口附近小巷，本身𠮶度都好多嘢食，但估唔到小巷能隐藏咗咁多舖头，舖头位于巷尾， 可能人流唔系好多，所以冇乜客人，一入去店员已经立刻量体温，安排座位，店舖有一种异国风情嘅感觉，完全唔似系香港，店员大多数都唔系香港人，可能未必识广东话，但系只要基本嘅英文，已经可以沟通到，入面嘅餐牌系有中英对照，所以都唔需要担心，我哋两个人就点左白酒煮青口配法包，北海道扇贝野菌糙米饭，一杯热嘅果茶，一杯热黑啡，糙米饭好特别，里面会有啲坚果，有啲石榴，份量唔系好大，我谂系属于轻食，最特别留意嘅就系个白酒煮青口，佢个份量好多唔会得几只，味道好好，好值得推荐，薯条够热，呢个我谂系呢度必定要食嘅，果茶有一种似饮洛神花茶嘅感觉，咖啡偏酸个人就一般般，但唔系唔好饮，如果你哋经过𠮶头，不妨行入少巷，可能会有意想不到嘅惊喜，里面嘅环境，有食物，楼面都感觉好有礼，喺北角来讲佢嘅价钱会偏向中上，但系值得你试一下，放松吓，完