影片
更多
2024-03-16
1176 浏览
讲起客家菜，第一样谂起既就系酿豆腐，而第二样就系梅菜扣肉，第三样可能就系茶果。今次餐厅推出既「Hakka HNY」有齐以上三样𩠌，但系就以唔同嘅形式去呈现出嚟，绝对震惊眼球👀与味蕾👄。睇完Menu后，职员会先表演花露水淋干冰，里面有条热毛巾，比你抹手。职员每上一道菜都会详细解释你食紧D乜，非常细心。第一道菜：Hakka Big Three客家三宝1⃣️甜筒形状既苦瓜蓉➕吞拿鱼他他（冇影相）苦瓜味道十分出众2⃣️茄子蓉➕生虾挞，十分滑溜3⃣️冇豆腐既炸豆腐配火腿，咸香脆口第二道菜：Poon Choy盆菜今日刷新我对「盆菜」既理解，职员话「盆菜」系好多菜既意思（问号❓），所以呢道菜里面系包括：好多白菜粒、好多红萝卜粒、同埋其他蔬菜粒粒。第三道菜：Yummy Abacus美味算盘子系一个有三重口感既菜，包括鱼籽、鹌鹑蛋、炸芋丝。上面仲有块金箔添！第四道菜：Fish 鱼🐟斋睇Menu我地只系知佢既species系鱼但唔知佢系咩鱼。职员话呢道菜系有好多鱼既～包括章红鱼刺身、一个鱼胶、一个客家黄酒同鱼肝整成既慕斯、九肚鱼鱼骨。集新鲜、烟靭、顺滑同香脆于一味菜。第五道菜：Salty Dragon盐焗龙虾沙姜鸡就
今次餐厅推出既「Hakka HNY」有齐以上三样𩠌，但系就以唔同嘅形式去呈现出嚟，绝对震惊眼球👀与味蕾👄。
睇完Menu后，职员会先表演花露水淋干冰，里面有条热毛巾，比你抹手。
职员每上一道菜都会详细解释你食紧D乜，非常细心。
第一道菜：Hakka Big Three客家三宝
1⃣️甜筒形状既苦瓜蓉➕吞拿鱼他他（冇影相）
苦瓜味道十分出众
2⃣️茄子蓉➕生虾挞，十分滑溜
3⃣️冇豆腐既炸豆腐配火腿，咸香脆口
第二道菜：Poon Choy盆菜
今日刷新我对「盆菜」既理解，职员话「盆菜」系好多菜既意思（问号❓），所以呢道菜里面系包括：好多白菜粒、好多红萝卜粒、同埋其他蔬菜粒粒。
第三道菜：Yummy Abacus美味算盘子
系一个有三重口感既菜，包括鱼籽、鹌鹑蛋、炸芋丝。上面仲有块金箔添！
第四道菜：Fish 鱼🐟
斋睇Menu我地只系知佢既species系鱼但唔知佢系咩鱼。职员话呢道菜系有好多鱼既～包括章红鱼刺身、一个鱼胶、一个客家黄酒同鱼肝整成既慕斯、九肚鱼鱼骨。集新鲜、烟靭、顺滑同香脆于一味菜。
第五道菜：Salty Dragon盐焗龙虾
沙姜鸡就食得多，沙姜龙虾真系第一次！盐焗龙虾肉加上沙姜酱汁，真系震惊味蕾。
第六道菜：Piggy Tummy客家猪肚
胡椒猪肚切碎放系汤里面，上有黑松露，下有萝卜球，又系多重口感既一道菜。
第七道菜：Lei Cha 擂茶
呢个擂茶同我平时食开嘅好唔一样，除咗因为佢得一啖之外，仲系因为佢加上Sake。职员话盘上面嘅白米等食材系俾你影相。🤣
第八道菜：Cha Guo 茶果
呢个茶果都系令我觉得好意外，平时食嘅茶果入边点会有鹅肝酱？！简直系升左几个level。
第9道菜：Pigeon/Wagyu Beef（+$300）
有两款，梗系食齐两款啦！慢煮乳鸽上面有啲血水，职员话可以再煎煎佢👍👍乳鸽下面系糯米包住莲子蛋黄等食材，职员话系用咗八宝鸭嘅食材整既！
牛都发挥到应有嘅水准，油脂丰富，意大利云吞包住牛舌都真系好唔错！
第十道菜：Mui Choy梅菜
客家菜真系唔少得梅菜扣肉，但呢一道系梅菜雪糕，又咸又甜嘅味道、上面有块炸干左嘅梅菜同鱼子酱，下面有芥菜啫喱，成个菜可以用「癫」字来形容，食完会好想再食🤣
第十一道菜：Nian Gao年糕
烟靭嘅年糕包住雪糕，侧边仲有椰子糖碎做点缀，甜入心。
成个套餐就系11道菜，仲可以加分子料理小笼包，一场嚟到梗系要试吓，虽然$90一粒真系好贵😂一口咬落去爆浆，会食得出醋同埋肉嘅味道，再次冲击味蕾与想像🫡
后记：
呢间餐厅真系难揾，对于唔系住喺港岛嘅人来讲，真系攀山涉水翻山越岭先揾到。
张贴
