影片
更多
2023-09-07
25 浏览
✒懒人先睇总结-❀食物：主菜做得唔错，鸡肉Juicy调味恰当。食物方面算系几有惊喜嘅～❀服务：店员妹妹好靓女同热情，好有中东气息嘅邻家女孩feel🥹 笑容100分，系大大嘅加分位！❀环境：餐厅定位系Fine Dining质素，虽然位置有啲偏僻，但系装修几grand👍❀价钱：2人埋单 $1,030 (非常饱)-✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒有兴趣再详细睇-第一次食犹太菜，唔系人哋带都未必揾到咁正宗嘅地方。呢间餐厅定位系Fine Dining，一步入餐厅就感觉到高级庄严嘅气氛。本来以为未必啱胃口，但主菜嘅烤肉都做得唔错，我同友人都几乎清盘😋-餐厅香港人面孔唔多，真系好似乱入咗去中东国家咁！旁边就系庄严嘅祈祷地方，撞正佢哋集会完咗就经过隔板一堆人过嚟食饭🤣 但本来人流唔多，靠近落地玻璃窗嘅位置更可以俯瞰到尖沙咀嘅街景，气氛都几浪漫～-🎈Mezze Platter ($128)唔少中东菜餐厅都会见到呢款Platter，由数款冷盘组合而成。一份一般包括Pita Bread，可以沾上Mezze Platter中嘅蔬菜泥一齐食🤔 而呢到嘅Pita Bread够哂热，同埋似乎
-
❀食物：主菜做得唔错，鸡肉Juicy调味恰当。食物方面算系几有惊喜嘅～
❀服务：店员妹妹好靓女同热情，好有中东气息嘅邻家女孩feel🥹 笑容100分，系大大嘅加分位！
❀环境：餐厅定位系Fine Dining质素，虽然位置有啲偏僻，但系装修几grand👍
❀价钱：2人埋单 $1,030 (非常饱)
-
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒有兴趣再详细睇
-
第一次食犹太菜，唔系人哋带都未必揾到咁正宗嘅地方。呢间餐厅定位系Fine Dining，一步入餐厅就感觉到高级庄严嘅气氛。
本来以为未必啱胃口，但主菜嘅烤肉都做得唔错，我同友人都几乎清盘😋-
餐厅香港人面孔唔多，真系好似乱入咗去中东国家咁！旁边就系庄严嘅祈祷地方，撞正佢哋集会完咗就经过隔板一堆人过嚟食饭🤣 但本来人流唔多，靠近落地玻璃窗嘅位置更可以俯瞰到尖沙咀嘅街景，气氛都几浪漫～
-
🎈Mezze Platter ($128)
唔少中东菜餐厅都会见到呢款Platter，由数款冷盘组合而成。一份一般包括Pita Bread，可以沾上Mezze Platter中嘅蔬菜泥一齐食🤔 而呢到嘅Pita Bread够哂热，同埋似乎比出边做得更松软👍
-
👉 Hummus
鹰嘴豆泥系Mezze Platter中出现嘅常客，唔钟意食豆嘅人就未必钟意啦。呢到嘅hummus 俾我食过酸一点，带有一点颗粒感。
-
👉 Tahina
芝麻酱嘅口感会比 hummus 更smooth，当中更加加入左花生同青柠，作为开胃菜味道都系偏酸少少嘅。
-
👉Tomato Salad
呢个系四款中我同友人最中意嘅，蕃茄味突出，味道带点微辣几惹味～
-
👉 Carrot Salad
主要系萝卜丝混入蒜蓉同沙律酱，去到后尾Main食肉嘅时候就不停返转头食呢个沙律，因为口味会清爽返啲😋
-
🎈Home-made Kobe ($128)
系一粒牛肉丸咁，一份有两大嚿。原本怕呢一类菜系做出嚟嘅牛肉会好骚，但食落惊喜地系外脆内软，而且肉味系比较light嘅。旁边配搭蕃茄酱同微辣嘅Green Chilli Sauce，味道几特别🤔
-
🎈Falafel ($108)
靓女店员介绍Falafel系中东嘅蔬菜球，炸香之后外脆内软。表面明显会食到一粒粒脆脆嘅口感，焦香味十足👍👍
-
🎈Grilled Chicken Fillet with French Fries ($278)
烤鸡扒我觉得是店内必点的！一切开已经见到中间嘅肉汁满满，表面嘅腌料亦非常香口惹味🤤🤤 旁边配搭薯条同埋腌菜，饱肚又好吃👍
-
🎈Traditional BBQ Chicken in Skewers with Vietnamese Rice ($278)
鸡肉串烧同鸡扒嘅味道都几相似，同样肉汁满满同嫩滑，调料香口。一份嘅份量都好足，所以建议如果叫咗烤鸡扒就未必需要叫呢一份了。反而 Vietnamese Rice我觉得比较特别可以一试，有少少似豉油捞糯米饭🤔
-
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒其他小资讯
👉订位：Phone Booking
👉优惠：🈚️
张贴
