Oliva (已結業)

经常都冇位，而且得我同老婆两个又食唔到好多野，所以迟迟都未去试，终于一次约左几个friend，就去试下啦！我地叫左青口，pizza，意粉，意大利饭& 猪扒。先黎面包同沙律，面包唔够松软，d醋同olive oil要分配，唔系摆o系枱俾人自己倒，感觉好小家。沙律就普通啦！头盘叫左青口，味道唔错，个茄酱酸酸地，配合埋d蒜片，好香。如果青口改用细只d嘅baby blue就更好。个pizza好夸张，table size，真系成张枱咁大，可拣两款味，海鲜就普通，个辣鸡就好惹味。都系个饼底唔掂，一系就薄d脆d，一系就厚d松d，可惜佢唔薄唔厚，唔脆唔松，到喉唔到肺，争d争d。意粉拣左蚬肉牛油汁意粉，意粉弹牙烟韧，蚬肉大大只，牛油汁都好香。什菌意大利饭非常出色，好香芝士味，饭唔会太硬，有咬口，值得一试。猪扒都唔错(唔记得叫咩名，不过menu得一款猪扒)，两大块，个汁好特别，「杰杰」地，好香芝士、香草味。整体都唔错，o系新界区好难揾到咁有水准嘅意大利餐厅。